Aposel 14:27 - Nupela Testamen long tokples Kandas

²⁷ Ra der wanpat, der kabo tomo pas a taro na lotu, ma der inanos det una kum utna rop ra der pam sot pasi nama dekdekin o God. Der inanos det kai lena, o God i sa papos tar a kisapi na nurnur torom a taro ra awu sur a taro Juda.

Aposel 14:27 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 9:10

Det tingi lena, “Di utamtama petlan pas arin matam?”

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 15:12

A taro na kiwung rop det kis wowowon taru kut. Det longoro o Pol ma o Banabas, ra der wasiso una kum ukinalong ma a kum utna na ukisin der pami nama dekdekin o God epotor tan a taro ra awu sur a taro Juda.

A Pas anun o Pol torom a taro Rom 15:18

Ka nem na wasiso un tu utna gisen. A nem na wasiso kut una pinapam, ra o Karisito i sa pam tari ulamang, sur an ben a kum taro ra awu sur a taro Juda sur det in mur a wasiso anun o God. Det muri kibino una nung a kum wasiso ma anung a kum pinapam.

1 Korin 11:18

A mugano utna: A sa longoro tari lena, ra mot ser wan tomo sur a lotu, mot ser tapagol sarara kut, ma a nuki lena a ramano kum wasiso tagun a wasiso ra, i lingmulus.

1 Korin 14:23

Ra mot a taro na lotu rop mot in kis tomo, ma mot rop mot wasiso nama wur ngas na wasiso, ma lako taro oros kut, o lako taro ra ka det nurnur det in ruk, det in watungi lena mot longlong.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

1 Korin 16:9

uni a kisapi i sa papos sur anung a pinapam in lubung ma in wu, ma a susut na taro kai det nem na turbati.

1 Korin 5:4

Ra mot in nanpat tomo una risan anundat a Labino o Iesu, ma an kis tomo ut nam mot una niong, ma a dekdekin a Labino o Iesu kai in kis tomo nam mot,

2 Korin 2:12

Ra a wanpat una tamon Troas, sur an warawai torom det nama Wakak na Wasiso anun o Karisito, a tama i lena, a Labino i sa papos saro tar anung a kisapi sur an warawai.

Kolosi 4:3

Mot in wararing kai un met, sur o God in papos saro a kisapi, sur met in upuaso a wasiso un o Karisito, ra numugu i kis eno. A kis una karabus, uni a wasiso nama kum wasiso ri.