Aposel 14:26 - Nupela Testamen long tokples Kandas

²⁶ Ra der sa pam sot pas anunder a pinapam una kum tamon, der kas una sip tagitong o Atalia utong o Antiok. O Antiok a tamon ra a kum tene nurnur, det pitar tar der una marmaris anun o God, ma det tulu der sur a pinapam ri.

Aposel 14:26 ပူးပေါင်းရင်းမြစ်များ

Aposel 11:19

A taro na nurnur ra det wan sarara tagisapat o Jerusalem, uni di ban laulau det numur tan a minatin o Stiwen, det wan bakbak utong o Saipras, ma una papor Ponisia, ma a tamon Antiok. Det wasiso torom a taro Juda kut nama Wakak na Wasiso un o Iesu.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

Aposel 11:26

Ra i sa sio pasi, i ben pasi utong o Antiok. Ara kudulano kilalo der kis tomo nama taro na lotu tiro iai, ma der ususer a susut na taro doko. A rising “a taro anun o Karisito”, di watung mugu i una taro na ususer tong o Antiok.

Aposel 11:27

Una kilalo ra, a ramano kum poropet det wan tagisapat o Jerusalem utong o Antiok.

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 14:21

O Pol ma o Banabas der warawai nama Wakak na Wasiso tong o Derbe, ra der ususer a susut na taro ra det wanpat a kum nat na ususer. Numur der milet melet utong o Listra, Aikoniam, ma o Antiok.

Aposel 14:23

Der pilok pas a ramano taro sur det a kum mugumugu anun a taro na lotu, una tulu tamon taktakai. Der wararing ma der wewel, ra der pitar tar det torom a Labino, o naro ra det nurnur uni.

Aposel 15:22

A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

Aposel 15:30

Numur di tulu det, ra det wan utong o Antiok. Tiro iai det kabo tomo pas a taro na lotu, ra det pitar tar a pas ra tandet.

Aposel 15:40

Ra o Pol i pilok pas o Sailas, sur der in nan tomo. Ma a kum tistisin der una nurnur, det pitar tar der una marmaris anun a Labino.

Aposel 20:32

“Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

A Pas anun o Pol torom a taro Rom 15:19

Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

Galesia 2:11

Ra o Pita i wanpat tong o Antiok, a woso matano lena, i sa raro, uni a utna ra i pami ke tokodos.

Kolosi 1:25

O God i ubek tar iau, sur iau a tultul anun a taro na lotu. I pitar tar a pinapam ri tang, sur an warawai nam anun a kum wasiso rop torom mot.

Kolosi 1:28

Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

Kolosi 4:17

Mot in inanos o Arkipus lena, in pam rop ru a pinapam ra o God i sa pitar tari tano.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.