Aposel 13:50 - Nupela Testamen long tokples Kandas

⁵⁰ Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 13:50 ပူးပေါင်းရင်းမြစ်များ

Matiu 10:23

Ra det in ban laulau mot un tu tamon, mot in kalabor utiro un tu tamon gisen. A inanos mot nama lingmulus, ra ka mot in nan rop utmakai utiro una kum tamon nin o Israel, a Nutun a Musano in nanpat.

A Wakak na Wasiso un o Iesu Karisito o Mak i tumusi 5:17

Numur a taro det saring o Iesu sur in nan gisen gusun anundet a papor.

Aposel 13:43

Ra a taro det wan susuaro gusun a rumu na lotu, a susut na te Juda ma det kai a taro gisen ra det ruk una lotu Juda ma det lotu nama lingmulus, det mur o Pol ma o Banabas. Der wasiso torom det, ma der uragot det, sur det in tur dekdek una marmaris anun o God.

Aposel 13:45

Ra a kum te Juda det tama a kunur na taro, a nuknukin det i laulau torom o Pol ma o Banabas, ma det mang sakosako a kum wasiso ra o Pol i wasiso nami.

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 14:2

Ikut a ramano taro Juda ra ka det nem na nurnur, det usungun balan a ramano taro ra awu sur a taro Juda. Det ban laulau a nuknukin det sur det in kankan torom det ra det tar tistisino una nurnur.

Aposel 14:4

A taro tagun a tamon ra det tapagol, ara taro det tur tomo nama taro Juda ra ka det nurnur, ma ara taro det tur tomo nama aru aposel.

Aposel 14:5

A ramano taro Juda ma ara taro kai ra awu sur a taro Juda tomo nam anundet a kum mugumugu, det epak pas sur det in ban laulau o Pol der, ma det in duku doko der nama watat.

Aposel 16:14

Ara ino tagun det ra det longoro met, a risano o Lidia, a ino tagitong o Taiataira, a tene siuru pepol na malu ma a tene lotu torom o God. Ra a Labino i pukus pas anun a nilaun sur in mur a kum wasiso ra o Pol i watungi.

Aposel 17:12

Ra a susut na taro Juda det nurnur, ma a susut na mugumugu na ino Grik, ma a susut na musano kai.

Aposel 17:13

Ikut a taro Juda kurong o Tesalonaika det longoro i lena o Pol i warawai una wasiso anun o God tong o Beria, ra det wan utong ma det usungun balan a taro.

Aposel 17:17

I ruk una rumu na lotu anun a taro Juda, ra i wasiso tomo nama ramano taro Juda, ma a taro gisen kai ra det lotu torom o God. Ma una kum bung rop, i wasiso kai tomo nam det ra i pastorom det una nubual na inawan tomo.

Aposel 17:4

Ara taro Juda ma a susut na te Grik ra det lotu torom o God, ma a susut na mugumugu na ino kai, det nurnur ma det mur o Pol ma o Sailas.

Aposel 18:7

I pirso gusun a rumu na lotu, ra i ruk una rumu anun ara musano, a risano o Titius Jastus, i ara tene lotu torom o God. Anun a rumu i tur milau nisan a rumu na lotu.

Aposel 2:5

Una kum bung ra, a susut na te Juda kai det kis tiro o Jerusalem. Det a kum tene lotu, tagun a kum tamon rop una rakrakon bual.

Aposel 21:27

Ra milau a wonom mawit na bung na utalapor in rop, a ramano taro Juda tagitong una papor Asia, det tama pas o Pol ubalan in noworo ina rumu na etabor. Ma det usungun balan a taro sur det in kankan torom o Pol ra det pam ukai pasi.

Aposel 28:17

Ra a tulu bung i sa rop, o Pol i kabo tomo pas a kum mugumugu anun a taro Juda. Ra det wanpat tomo, i watungi tandet lena, “A kum tistising, ka ban laulau anundat a taro, o lako kum petutna kai anun a kum tumtubun dat tagun numugu. Ikut det pam ukai pas iau sapat o Jerusalem, ma det pitar tar iau torom a taro Rom.

Aposel 6:12

Ra det usungun balan a kum mugumugu, ma a kum tene ususer tagun a Warkurai ma a taro oros kai. Det wan torom o Stiwen, det pam ukai pasi, ma det beni sur in tur sa numugu umatan a taro na kiwung.

Aposel 8:1

Ra o Sol i mulaot sur din um doko o Stiwen. Una bung ra di um doko o Stiwen, a taro det turpasi sur det in ukadik a taro na lotu sapat o Jerusalem, ma a taro na nurnur rop det wan sarara una aru papor Judia ma o Samaria. Ikut, a kum aposel ka det wan, det kis ut.

A Pas anun o Pol torom a taro Rom 10:2

Uni a tasmani ut lena, det nem doko i sur det in ugasgas o God, ikut ka det tasman asau ra det in ugasgasi nami.

2 Korin 11:26

A sa wan una susut na inawan. A elar nama utna na iniru una inawan una kum danim, ma a ramano kum dino kai, milau an iru una laman a kum sakino taro. Milau an barato a iniru tan anung a taro ut, ma tan a kum usiro na taro kai. Milau an barato a iniru una kum tamon, ma una kum nubual kalako taro uni, ma sa utasi. Ma milau kai, an iru ulaman a kum torotoro na tistising una nurnur.

1 Tesalonaika 2:14

A kum tistisi metul, mot elar nama taro na lotu anun o God un o Karisito Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, elar nama taro na lotu tong o Judia det taramo i tan anundet a taro ut, a taro Juda,

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.