Aposel 10:37 - Nupela Testamen long tokples Kandas

³⁷ Mot tasman a kum lamlabino utna ra i wanpat una kum tamon tong o Israel, turpasi tong o Galili numur tan a baptais ra o Jon i warawai nami.

Aposel 10:37 ပူးပေါင်းရင်းမြစ်များ

Matiu 2:1

Di usus o Iesu una tamon Betliem tiro una papor Judia, una kilalo ra o Erod i king. Numur a ramano kum tene mananos tagun a kum nangnang det wan tagitiro una nubual ra in matanas i pusu pat iai, ra det wanpat sapat o Jerusalem.

Matiu 3:6

Det watung puaso anundet a kum sakino petutna, ra i baptaiso det una danim Jodan.

Luk 23:5

Ikut, det ngongos makai lena, “Anun a etowo i ukatutur a balan a taro, sur det in lakai a warkurai anun a gapman una papor Judia rop. I turpasi tong o Galili ra i tuk taru ut nin.”

Luk 4:14

O Iesu i milet melet utong una papor Galili nama dekdekin a Tokodos na Nion, ma a wasiso uni, i wan sarara una papor rop ra.

Aposel 10:36

Mot tasmani lena, o God i sa pitar tar anun a wasiso torom a taro Israel. A wasiso ri, i a Wakak na Wasiso na malmal. A malmal epotor tan o God ma a taro, ra i kibino un o Iesu Karisito, i ra a Labino anun a taro rop.

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 2:22

“A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i.

Aposel 26:26

A king i tasmani ut a kum utna ri, ra a langolango sur an wasiso uni. Uni a tasmani lena katu utna i parau umatano ma una nun a longlongoro, uni awu sur di pam eno i.

Aposel 28:22

Met nemi sur met in longoro a nuknukim, uni met sa tasmani lena, una kum tamon rop di watung laulau a matok na lotu ri.”