3 Jon 1:8 - Nupela Testamen long tokples Kandas

⁸ Lenra, i wakak sur dat in warut a ngas na taro ra, sur dat in papam tomo nam det sur a lingmulusino in nan sarara.

3 Jon 1:8 ပူးပေါင်းရင်းမြစ်များ

Matiu 10:14

Ra taio ken gas pas mot, ma ken longoro anumot a wasiso, ra mot in nan gusun anun a rumu, o a tamon ra, mot in tang ru a kubus gusun a kikimot.

Matiu 10:40

“Osi ra in gas pas mot, i gas pas iau utkai, ma osi ra i gas pas iau, i gas pasi utkai o naro ra i tulu ru iau urin.

Luk 11:7

Ra a pasano kura urumu in watungi lena, ‘Gong u ubalon iau! Met sa tagar, ma met nama kum nutnutung liklik met sa inep. Kan pirso melet mo sur an los tar tu utna tam.’

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

2 Korin 8:23

Ma o Taitus i papam tomo nam iau, sur mir in warut mot. Ma aru tistisi mot kai, ra detul nam o Taitus detul in nan tomo, der tur ukinalong a taro na lotu una kum tamon, ma nunder a nilaun, i pitar a urur torom o Karisito.

Pilipai 4:3

Ma ui kai ara lingmulus na tene pinapam tomo nam iau, a saring ui sur un warut aru ino ri, uni der papam dekdek tomo nam iau sur a Wakak na Wasiso in nan sarara. Met papam tomo nam o Klemen, ma ara taro kai ra a kum risandet i sa kis una buk na nilaun.

Kolosi 4:11

O Iesu, ara risano kai o Jastus, i kai i pitar anun a marmaris torom mot. Detul ri, detul a tulu te Juda ra detul nurnur, ma detul sot kut tagun a taro Juda, detul papam tomo nam iau sur a matanitu anun o God. Ma detul udekdek iau.

1 Tesalonaika 3:2

Ra mir sa tulu ru o Timoti a tisindat, ma a tene pinapam anun o God tomo nam mir, ra metul ser wasiso talapor nama Wakak na Wasiso un o Karisito. Mir sa tulu ru i torom mot, sur in udekdek mot, ma in uragot mot una numot a nurnur,

Pilimon 1:2

ma torom o Apia a tisindat a ino, ma torom o Arkipus a pasandat una inaim nama Wakak na Wasiso, ma torom a taro na lotu ra mot ser wan tomo una num a rumu.

Pilimon 1:24

Ma det kai ri, o Mak, o Aristakus, o Demas ma o Luk. Met paspasano tomo una pinapam.

3 Jon 1:10

Ra an nanpat, an inanos mot una kum petutna ra i ser pami, a kum sakino wasiso eno i sa watung tari un met. Ma awu sur i kut ra, i kai ri, ke ser gas pas a kum tistisin dat ra det wanpat nama Wakak na Wasiso, ma i turbat det ra det nem na gas pas det. Ra taio i nem na gas pas det, o Diotrepes in umana ru i gusun a lotu.

3 Jon 1:7

Det wan nama risan o Karisito, ra ka det los tu warut tan a taro ra ka det nurnur.

3 Jon 1:9

A sa tumus tar a pas torom a taro na lotu una num a tamon, ikut o Diotrepes i ra i nem doko i sur in mugumugu anumot, ke ser longoro met.