2 Timoti 4:8 - Nupela Testamen long tokples Kandas

⁸ O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

2 Timoti 4:8 ပူးပေါင်းရင်းမြစ်များ

Matiu 24:36

“Katutaio i tasman a bung o a du bung ra a kum utna ri in nanpat. A kum ensel sapat una langit ka det tasmani, ma o Nutunu kai ke tasmani, o Tamano sot kut i tasmani.

Matiu 7:22

Una bung na warkurai a susut na taro, det in watungi tang lena, ‘Labino, Labino, met wasiso na poropet nama risam, ma met lakro ru a kum laulau na nion kai nama risam, ma met pam a susut na utna na ukisin nama risam.’

Luk 10:12

A watungi tamot, una bung na warkurai, a warkurai torom a tamon ra, in laulau doko taun a warkurai torom a taro Sodom.

A Pas anun o Pol torom a taro Rom 2:5

Ikut, a balamot i dekdek ma ka mot nukpukus, ra mot ubek tomo anun a kankan netes un mot, sur a bung na kankan anun o God, ra anun a tokodos na warkurai in nanpat talapor.

A Pas anun o Pol torom a taro Rom 8:23

Ma awu sur a kum ukukis kut, dat kai, ra o God i sa pitar tar a mugano etabor torom dat, a Tokodos na Nion, dat kai dat kis langlang nama tinangis nin ubalandat, nama labino nemnem sur a du bung ra o God in ras dat sur dat a kum nutnutunu, ma in ulangolango a pinindat.

1 Korin 2:9

Ikut, i elar nama wasiso ra di sa tumus tari una Buk Tabu lenri, “A kum utna ra kataio i tama i, ma kataio i longoro i, ma ke wanpat tagun a nuknukin taio, a kum utna ra, o God i sa waninar tari sur det ra det nem doko i.” Ais 64:4

1 Korin 3:13

din upuaso anun a ngas na pinapam una bung na warkurai. Din upuaso i nama sungun, ma a sungun ra in lar a ngas na pinapam anun arara taktakai.

1 Korin 9:25

A taro rop ra det ser wapap, det ulason dekdek a pinindet. Det pami sur det in los pas a ikul ra in rop kut. Ikut dat, dat ulason dat sur dat in los pas a ikul ra ken rop.

2 Korin 5:2

Uniri dat tangis nin ubalandat, uni dat nemi sur dat in emar nama pinindat tagisapat una langit.

Pilipai 3:11

I lenkutra, a nurnur lena, iau kai an katutur melet gusun a minat.

Kolosi 1:5

Anumot a nurnur ma a marmaris ri, i kibino una numot a kinkinis langlang tomo nama nurnur sur a utna, ra o God i tamtamabati sur mot sapat una langit. A utna ra, mot sa longoro tar a wasiso uni, una lingmulus na wasiso, i a Wakak na Wasiso,

1 Tesalonaika 1:10

Ra mot kis langlang sur o Nutunu, ra in nan pirso tagisapat una langit, i ra o God i sa ukatutur melet pasi gusun a minat. O naro ra, o Iesu, ra i ulaun pas dat gusun a kankan anun o God, ra in nanpat.

1 Tesalonaika 5:4

Ikut mot, a kum tistisi metul, a bung ra ken ukisin mot, elar nama tene wolong, uni awu sur mot kis una dumirum.

2 Tesalonaika 2:8

Numur a tene lakai warkurai in nanpat puaso, ma a Labino o Iesu in kamar ru i nama wuwu na wano, ma in ban laulau i nama minamarin anun a inawan pat.

1 Timoti 6:19

Ra det in pami lenri, det in utur ukai a ululeng mulus. I ra a wakak na kibin anundet a nilaun numur, sur det in los a nilaun ra a nilaun mulus.

2 Timoti 1:10

Ra uniri, dat sa tama a marmaris anun o God torom dat, una inawan pat anun anundat a Tene Ulaun, o Karisito Iesu, i ra i urop ru a minat. Ma una Wakak na Wasiso, i upuaso a nilaun tukum sur in nanpat talapor.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

2 Timoti 1:18

A wararing sur a Labino in maris o Onesiporus una bung na warkurai. U sa tasman wakak a kum pinapam na warut ra i sa pam tari torom iau tiro o Epeses.

2 Timoti 2:5

Lenkutkai ra, a tene kinalabor ra i kalabor una ililu, ken los tu ikul ra ke mur a kum warkurai ina ililu.

2 Timoti 4:1

O Karisito Iesu in nanpat urin nama nun a matanitu, ra in warkurai elar nama king. In warkurai det ra det laun, ma det ra det sa mat. I mo ra, a saring ui umatan o God ma o Karisito Iesu lena:

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

Ibru 12:11

Una du bung ra o God i ser ukodos dat, ka dat gasgas, dat taramo a ngunungut kut. Ikut det ra o God i ukodos det ma det mur anun a etowo, numur det in wu a malmal ma a tokodosino una nundet a nilaun.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.

1 Pita 1:4

ma dat in rakon pas a utna ra o God i sa ubek tari sapat una langit. A utna ra ken mereseng, ken laulau ma ken rorom. O God i sa ubek tari sur mot.

1 Pita 5:4

Ra a Labino Tene Tamtamabat anun a kum sipsip in nanpat, mot in rakon a kukup na minamar ra a minamarino ken rop.

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.

Tamtama 19:11

A tama a langit i sa papos ma a tama a kabang na os i tur sa numugu tang. Ma i ra i kis netes uni di watungi lena, “I ser pam sot anun a pinapam” ma “I lingmulus.” Ma una nun a warkurai ma anun a inaim i mur a tokodos na petutna.

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.

Tamtama 4:10

aru noino ma wat na mugumugu kai det puku na urur sa numugu tan o naro ra i kis una kiskis na king, o naro ra i laun tukum, ken rop ma ken rop, ma det lotu toromi. Det rakon ru anundet a kum kukup na king, ma det ubek tari sa numugu tan a kiskis na king ma det watungi lena,

Tamtama 4:4

Ma aru noino ma wat na kiskis na king det tur talilis a kiskis na king, ma a ru noino ma wat na mugumugu kura det kis taru un det. Det emar nama kum kabang na malu, ma una kum lorindet, det ubek a kum kukup na king ra di pami nama gol.