2 Timoti 4:10 - Nupela Testamen long tokples Kandas

¹⁰ uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia.

2 Timoti 4:10 ပူးပေါင်းရင်းမြစ်များ

Matiu 12:32

Osi kai ra in watung tar tu sakino wasiso una Nutun a Musano, din unus ru i kut, ikut osi ra in wasiso laulau una Tokodos na Nion, ka din unus lar pasi, una nilaun uniri ma una nilaun numur kai.

Matiu 26:56

Ikut a kum utna rop ri i wanpat sur din pam sot pas a kum tumtumus anun a kum poropet.” Numur anun a kum nat na ususer rop det kalabor susuaro pas gusuni.

Luk 14:33

Lenkutkai ra torom mot, ra taio tagun mot ken madek ru anun a kum utna rop, i awu sur anung a nat na ususer.

Luk 16:13

Katu tultul in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara ma in rosumur gusun ara. Ka mot in papam lar pas torom o God ma torom a mani kai.”

Luk 17:32

Mot in nuk pas a ino anun o Lot.

Aposel 13:13

O Pol ma aru musano ra der wan tomo nami, detul kas una sip tagitiro o Papos, ra detul wan utong o Perga, una papor Pampilia. O Jon i wan pas gusun der tiro iai, ra i milet melet usapat o Jerusalem.

Aposel 15:38

Ikut o Pol i nuki lena, ke wakak sur der in ben melet pasi, uni i wan pas kut gusun der utong o Pampilia, ma ke mur der tuk ra a pinapam i rop.

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 17:1

O Pol ma o Sailas der wan utong o Ampipolis ma o Apolonia, ra numur der wanpat tong o Tesalonaika. Tiro o Tesalonaika ara rumu na lotu anun a taro Juda kura iai.

Aposel 17:11

Det ri det wakak tandet tong o Tesalonaika, uni det rakon a wasiso ri nama gasgas, ma det luk wakak a kum wasiso tagun a Buk Tabu una kum bung rop, sur det in tama a wasiso anun o Pol, ra i lingmulus o awu.

Aposel 17:13

Ikut a taro Juda kurong o Tesalonaika det longoro i lena o Pol i warawai una wasiso anun o God tong o Beria, ra det wan utong ma det usungun balan a taro.

Aposel 18:23

Ra i sa kis pas a susut na bung tiro iai, i wan melet pas gusun det. Ra i wan tuptupukus una kum tamon una ru papor Galesia ma o Pirigia, ma i udekdek a nurnur anun a taro na ususer rop.

2 Korin 2:13

Ikut in balang ke molmol, uni ka sio pas o Taitus, a tisinglik una nurnur. I mo ra a wasiso na itula taru torom det tagitiro iai, ra a wan pas utong o Masedonia.

2 Korin 7:6

Ikut, o God ra i ser umarom a taro ra det tupunuk, i umarom met nama inawan pat anun o Taitus torom met.

2 Korin 8:16

A watung wakak torom o God ra i unuk tar o Taitus sur in warut mot. I nem mot elar nam iau kai a nem mot.

2 Korin 8:23

Ma o Taitus i papam tomo nam iau, sur mir in warut mot. Ma aru tistisi mot kai, ra detul nam o Taitus detul in nan tomo, der tur ukinalong a taro na lotu una kum tamon, ma nunder a nilaun, i pitar a urur torom o Karisito.

2 Korin 8:6

I mo ra met saring o Taitus sur in warut mot sur mot in pam sot pas a pinapam na etabor ri, uni i ut i warut mot ra mot turpas a pinapam na etabor ri.

Galesia 1:2

A kum tistising rop ra met kis tomo nin, det mulaot tomo nam iau sur an tumus a pas ri torom mot, a kum tene nurnur rop tiro una papor Galesia.

Pilipai 2:21

Uni, a taro rop det nuk pas det ut ma anundet a kum pinapam, ma ka det nuk pas o Iesu Karisito ma anun a pinapam.

1 Timoti 6:10

Uni a nemnem sur a mani, i a kimkibin a wur matano sakino petutna. Ma a ramano taro ra det ngara suri, det sa wan gisen gusun a nurnur, ma det ban laulau anundet a nilaun nama susut na mamaut.

1 Timoti 6:17

Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami.

2 Timoti 1:15

U tasmani lena a taro rop, ra det kis una papor Asia, det sa wan pas gusun iau. O Pigelus ma o Emogenes aru tagun det.

2 Timoti 4:16

A mugano du bung ra a tur una warkurai ma a wasiso bat iau, kataio i tur warut iau, det wan rop pas kut gusun iau. A wararing lena o God gong i balu anundet a petutna.

Taitus 1:4

A tumtumus torom ui Taitus, a nutunglik ra anundar a nurnur i elar. A marmaris ma a malmal tan o God a Tamandat, ma o Karisito Iesu anundat a Tene Ulaun, in kis tomo nam ui.

Pilimon 1:24

Ma det kai ri, o Mak, o Aristakus, o Demas ma o Luk. Met paspasano tomo una pinapam.

2 Pita 2:15

Det sa wan gusun a tokodos na kisapi, ra det sa raro. Det sa mur a kisapi anun o Balam a nutun o Beor, ra i pam a sakino, uni i nem doko a mani.