2 Timoti 4:1 - Nupela Testamen long tokples Kandas

¹ O Karisito Iesu in nanpat urin nama nun a matanitu, ra in warkurai elar nama king. In warkurai det ra det laun, ma det ra det sa mat. I mo ra, a saring ui umatan o God ma o Karisito Iesu lena:

2 Timoti 4:1 ပူးပေါင်းရင်းမြစ်များ

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Luk 19:12

lena, “Ara mugumugu i wan sur ara tamon bakbak, sur din mulaot tari sur in king, ra numur in milet melet.

Luk 19:15

“Ra di sa ukis tari sur in king, i milet melet. I itula sur anun a kum tultul ra i pitar tar a mani tandet, sur in mananos un asau ra i sa wanpat una anundet a pinapam.

Luk 23:42

Ra i watungi tan o Iesu lena, “Iesu, nuk pas iau, ra un ruk una num a matanitu.”

Aposel 10:42

Ma i tulu ru met, sur met in warawai ma met in wasiso puaso uni, lena i ut ra o God i sa pilok pasi sur in tene warkurai anundet ra det laun ma det kai ra det sa mat.

Aposel 17:31

Uni i sa kubus tar a bung, sur in warkurai a rakrakon bual nama tokodos na warkurai. Ma i sa pilok tar a musano ra in pam a warkurai ra. I ukatutur melet pas a musano ra gusun a minat. Una nun a pinapam ra, i ulingmulus pas anun a pipilok torom a taro rop.”

A Pas anun o Pol torom a taro Rom 2:16

Una bung na warkurai, o God in pitar tar a warkurai torom o Iesu Karisito, sur in warkurai det, una kum utna i kis eno una nuknukin det. Ra a ser warawai nama Wakak na Wasiso, a ser warawai una kum utna ri.

Kolosi 3:4

O Karisito i ra anumot a nilaun. Ra in nanpat, mot kai mot in nanpat puaso tomo nami una nun a minamar.

2 Tesalonaika 2:8

Numur a tene lakai warkurai in nanpat puaso, ma a Labino o Iesu in kamar ru i nama wuwu na wano, ma in ban laulau i nama minamarin anun a inawan pat.

1 Timoti 5:21

A wasiso dekdek torom ui umatan o God ma o Karisito Iesu ma a kum ensel ra o God i pilok pas det, sur un mur a kum wasiso ri, ma un pam a takano petutna kut torom a taro rop, ma gong u tur takano papor.

2 Timoti 1:10

Ra uniri, dat sa tama a marmaris anun o God torom dat, una inawan pat anun anundat a Tene Ulaun, o Karisito Iesu, i ra i urop ru a minat. Ma una Wakak na Wasiso, i upuaso a nilaun tukum sur in nanpat talapor.

2 Timoti 2:14

Gong u mana nama wasiso torom anum a taro nama kum etowo ri. Un utumarong det umatan o God lena, gong det engaras una kum wasiso, uni ke gas un tu utna, ma in ban laulau det ra det longoro i.

2 Timoti 4:18

A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

1 Pita 1:7

A kum mamaut ri det wanpat sur in talapor lena, anumot a nurnur i lingmulus. Di lar anumot a nurnur nama kum mamaut elar nami ra di tun talapor a gol una sungun. Ikut anumot a nurnur i labo doko taun a gol ra in rop kut. Ra anumot a nurnur i tur dekdek, o Iesu Karisito in rakon lekeleke pas mot, ma in ulabo pas mot, ma in pitar a urur torom mot una bung ra in nanpat puaso.

1 Pita 4:5

Ikut numur det in tur umatan o God, ra det in wasiso talapor un asau ra det sa pam tari. Uni o God a Tene Warkurai anun a taro rop, det ra det laun, ma det ra det sa mat.

1 Pita 5:4

Ra a Labino Tene Tamtamabat anun a kum sipsip in nanpat, mot in rakon a kukup na minamar ra a minamarino ken rop.

2 Pita 1:11

ma o Iesu Karisito, anundat a Labino ma anundat a Tene Ulaun in ben ruk mot nama gasgas una nun a matanitu ra ken rop.

2 Pita 1:17

O God o Tamano i ulabo pas a risano ma i pitar a minamar tano, ra i wasiso namin walngano tagisapat una nun a labino minamar. I watungi lenri, “Iri a Nutunglik, a nat na wakak, a gas doko nami.”

1 Jon 2:28

A kum nutnutung liklik, mot in kis tukum un o Karisito, sur gong dat ngara ma gong dat maimai una nun a bung na inawan pat.

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.