2 Timoti 3:2 - Nupela Testamen long tokples Kandas

² A taro det in nuk pas det ut, ma det in nemnem sur a mani, ma det in warango pas det, ma det in ulabo pas det ut, ma det in emang, ma det in pitarngat torom a kum tamtaman det ma a kum nanan det, ma ka det in lason sur det in watung wakak torom o God ma torom a taro kai, ma det dur umatan o God.

2 Timoti 3:2 ပူးပေါင်းရင်းမြစ်များ

Matiu 15:6

Ikut ra ke warut o tamano, ke ru i. Ra mot pami lenra, mot unatino pas a wasiso anun o God sur mot in muri kut a kum etowo anun anumot a taro tagun numugu.

Luk 12:15

Ra i watungi tandet, “Mot in nuk pasi, ma mot in tumarong mot gusun a nemnem sur a susut na ululeng, uni a nilaun anun taio ken kibino pas tagun anun a susut na ululeng.”

Luk 16:14

A kum Parisi det longoro a kum wasiso ri, ra det urongon laulau kut un o Iesu, uni det nem doko a mani.

Luk 6:35

Ikut mot in nem anumot a kum ebar, ra mot in pam a wakakino torom det. Ra a taro det nemi sur det in los pas tu utna munung gusun mot, mot in pitari kut, ma gong mot nemi sur det in balu i. Ra mot in pami lenra, anumot a ikul in labo sakit, ma mot a kum nutnutun o God a Labino Sakit, ra i ser maris det ra ka det ser watung wakak toromi, ma a kum tene sakino kai.

Aposel 5:36

A ramano kum kilalo numugu o Tiudas i wanpat, ma i watungi lena i a labino, ra a susut na taro, elar nama wat na mar, det muri. Ikut ra di um doko ru i, det rop ra det muri det wan susuaro, ra anundet a pinapam i rop oros kut.

A Pas anun o Pol torom a taro Rom 11:18

Gong mot tama pisopiso a kum kano ra di sa pak ru det. Ra mot tama pisopiso det, mot in nuk pasi lena, in wakakor nin nanai ut i pitar a nilaun torom mot a kum kano, awu sur a nilaun i wan tagun mot.

2 Korin 5:15

I mat sur dat rop, sur dat ra dat laun, gong dat laun sur dat in ugasgas pas dat ut. Dat in laun sur o Karisito, ra i mat sur in ulaun pas dat, ma i katutur melet gusun a minat.

Pilipai 2:21

Uni, a taro rop det nuk pas det ut ma anundet a kum pinapam, ma ka det nuk pas o Iesu Karisito ma anun a pinapam.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

2 Tesalonaika 2:4

In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.

1 Timoti 1:20

O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.

1 Timoti 1:9

Dat tasmani lena, a Warkurai awu sur di pitari sur a kum tene tokodos, awu. Di pitari kut sur a ngas na taro lenri: det ra det lakai a kum warkurai, a kum tene rosumur, det ra ka det mur a petutna ra i wakak umatan o God, a kum tene sakino, det ra det dur umatan o God, det ra ka det ser ru o God, det ra det um doko a taro, det ra det um doko a kum tamtaman det o a kum nanan det,

1 Timoti 3:3

Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani.

1 Timoti 6:10

Uni a nemnem sur a mani, i a kimkibin a wur matano sakino petutna. Ma a ramano taro ra det ngara suri, det sa wan gisen gusun a nurnur, ma det ban laulau anundet a nilaun nama susut na mamaut.

1 Timoti 6:4

a ngas na musano ra, i ulabo pasi ut, ma ke tasman tu utna. Anun a laulau na nemnem sur a wasiso na engaras, ma a inaim na wasiso, i elar nama misait toromi. Anun a petutna ra, i pam pat a kum ngasino lenri: a nuknuk laulau sur a utna anun taio, a engaras, a emang, a nuknuk laulau torom a taro.

2 Timoti 3:4

Det in usobor a kum paspasan det, det in pam a kum tuptup na petutna, det in ulabo pas det ut, det in nem doko a gasgas tagun a rakrakon bual, ma ka det in nem o God.

Jems 2:8

Mot in pam sot pas a warkurai ra i labo sakit una Buk Tabu. I lenri, “Un nem o pasam elar nami ra u nem ui ut.” Wkp 19:18 Ra mot pami lenra, mot pam a tokodos na petutna.

Jems 4:16

Ikut uniri, mot sa warango pas mot melet nam anumot a kum wasiso. A ngasino lenra ke wakak.

Jems 4:6

Ra a marmaris ra o God i pitar tari tandat i labo sakit. A Buk Tabu i watungi lenri, “O God i nget det ra det ser ulabo pas det, ikut i maris det ra det ser unatino pas det.” Snd 3:34

1 Pita 5:5

Lenkutkai ra, mot a kum barman ma a kum toraro, mot rop mot in ser unatino pas mot torom det a kum mugano tamot. Mot in unatino pas mot epotor tamot etetalai, i ra anumot a wakak na ememar. Uni a Buk Tabu i watungi lena, “O God i nget det ra det ser ulabo pas det, ikut i maris det ra det ser unatino pas det.” Snd 3:34

2 Pita 2:10

Ma a Labino in warkurai dekdek det ra det mur a kum dur na nemnem ina pinindet, ma ka det nem na kis utuntudu in anun a warkurai. A kum torotoro na tene ususer ra, ka det ngara, ma det ulabo pas det ut. Ka det ngara ra det watung laulau a kum ukukis ra kusapat una langit.

2 Pita 2:12

Ikut a kum torotoro na tene ususer ri, det elar nama kum kuabor na wewegua, ra ka det mananos, ma det muri kut a nemnem ina pinindet, ma di usus det kut sur din pam ukai det ma din um doko det. Det watung laulau i kut a kum utna ra ka det tasmani. Det in iru elar nama kum kuabor na wewegua.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

2 Pita 2:3

Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.

A Pas anun o Jud 1:16

A taro ri, det a kum tene ururai ma a kum tene pukpukus. Det mur a kum laulau na nemnem anundet, ra det ulabo pas det ut. Det ugasgas pasi kut a taro nama nundet a kum namnamin na wasiso, sur det in los tu utna gusun det.

Tamtama 13:1

Numur a tama pas a kuabor na wewegua i burak pat sa utasi. A noino komino ma a wonom mawit nin lorino, ma a noino kukup na king det kis netes una kum komino. Ma unin tekteken lorino di sa tumus tar a kum rising ra i watung laulau o God nami.

Tamtama 16:11

ma det watung laulau o God ra i kis sapat una langit, i kibino una labino ngunungut ma a kum laulau na inangon ra i kis un det, ikut ka det nukpukus gusun anundet a kum sakino petutna.

Tamtama 16:21

A labino bato na ais, tekteken nututu ino, a mautino i elar nama limo na noino kilogrem, i puku netes una taro. Ma a taro det watung laulau o God una ukadik na bato na ais ri, uni a ukadik ri i laulau doko.

Tamtama 16:9

Ma a labino mararongino, i tun a taro, ma det watung laulau a risan o God, i ra i pitar tar a kum ukadik ri, ikut ka det nukpukus ma ka det watung ulabo pasi.