2 Timoti 3:16 - Nupela Testamen long tokples Kandas

¹⁶ A kum du wasiso rop una Buk Tabu i kimkibino ut tan o God, ma i wakak sur in ususer a taro, ma sur in upuaso a sakino anun taio toromi ut, ma in ukodos a kum niraro, ma in ususer a taro una tokodos na petutna.

2 Timoti 3:16 ပူးပေါင်းရင်းမြစ်များ

Matiu 13:52

Ra o Iesu i watungi tandet lena, “I mo ra a kum tene ususer rop tagun a Warkurai, ra det sa ususer pas una matanitu tagisapat una langit, det elar nam ara musano ra i uleng a kum wakak na utna una nun a rumu. Ra i upirso a kum wakak na utna ra, gusun anun a rumu sur in papam nami, a ramano kum utna, a kum matokino, ma a ramano kai, a kum turaino.”

Matiu 21:42

O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’ Sng 118:22-23

Matiu 22:43

O Iesu i watungi tandet lena, “Ra i lenra, ilai ra a Tokodos na Nion i mugu o Dewid ra i watung a Karisito lena ‘anung a Labino’? Uni o Dewid i watungi lena,

Matiu 26:54

Ikut, ra an pami lenra, ka din pam sot pas a kum wasiso na Buk Tabu una kum utna ri ra i sot sur din pami un iau.”

Matiu 26:56

Ikut a kum utna rop ri i wanpat sur din pam sot pas a kum tumtumus anun a kum poropet.” Numur anun a kum nat na ususer rop det kalabor susuaro pas gusuni.

A Wakak na Wasiso un o Iesu Karisito o Mak i tumusi 12:24

O Iesu i balu det lena, “Mot raro doko, uni ka mot tasman a Buk Tabu ma a dekdekin o God kai.

A Wakak na Wasiso un o Iesu Karisito o Mak i tumusi 12:36

A Tokodos na Nion i mugu o Dewid ra i watungi lena, ‘A Labino i watungi torom anung a Labino lena, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” ’ Sng 110:1

A Wakak na Wasiso un o Iesu Karisito o Jon i tumusi 10:35

I watung det lena det a kum god, det ra di pitar tar a wasiso anun o God tandet. Ma kataio in pet lar pasi sur in rakon ru a wasiso na Buk Tabu.

A Wakak na Wasiso un o Iesu Karisito o Jon i tumusi 3:20

Det rop ra det ser pam a kum sakino petutna, det nget a talapor, ma ka det wan suri, sako din tama pupuaso pas anundet a kum sakino petutna.

Aposel 1:16

“A kum tistising, a wasiso anun a Tokodos na Nion, ra o Dewid i wasiso taru uni numugu utmakai una Buk Tabu, uniri di sa pam sot pasi. I wasiso un o Judas, i ra i mugu det ra det pam pas o Iesu.

Aposel 18:25

Di sa ususer tari una Kisapi anun a Labino, ma i gas doko sur in warawai. I ususer tokodos det un o Iesu, ikut i tasmani kut a baptais anun o Jon.

Aposel 20:20

Ra a ser warawai ma a ususer mot, umatan a taro ma una numot a kum rumu utkai, ka ngara ma ka munu tu utna ra in warut mot.

Aposel 20:27

Uni ka ngara ma ka munu tu utna una nuknukin o God. A sa watung rop tari torom mot.

Aposel 28:25

Det engaras epotor tandet ra det katutur na inawan. Ikut numugu ra ka det wan utmakai, o Pol i watung a ururop na wasiso tandet lena, “A lingmulus ut ra a Tokodos na Nion i wasiso una wan a poropet Aisaia, torom a tumtubu mot tagun numugu lena,

A Pas anun o Pol torom a taro Rom 15:4

Uni a kum wasiso rop ra di sa tumus tari numugu utmakai una Buk Tabu, di tumus tari sur in ususer dat, sur dat in tur dekdek una anundat a nurnur, ma in warut dat kai, sur dat in kis langlang nama nurnur sur a kum utna o God in pami numur.

A Pas anun o Pol torom a taro Rom 2:20

Mot nuki lena, mot ususer kodos det ra ka det mananos, ma mot a kum tene ususer anundet ra ka det tasman tu utna, uni mot, mot sa pam ukai a mananos rop, ma a lingmulusino ra i kis una kum Warkurai.

A Pas anun o Pol torom a taro Rom 3:2

Ra taio a te Juda i wakak doko toromi. A mugano utna ut, o God i sa ubek tar anun a wasiso una laman a taro Juda.

A Pas anun o Pol torom a taro Rom 4:23

Ra a Buk Tabu i watungi lena, “O God i watungi a tene tokodos,” awu sur i watungi kut un o Abaram, awu.

1 Korin 12:7

A Tokodos na Nion i ese i ut una nilaun anun arara, sur in warut a taro rop.

Galesia 3:8

A Buk Tabu i sa wasiso mugu taru lena, o God in watung a taro ra awu sur a taro Juda lena det a kum tene tokodos uni det nurnur. O God i sa inanos mugu tar o Abaram una Wakak na Wasiso lena, “Un ui, din watung udan a taro tagun a kum gapman rop.” Stat 12:3

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

Ibru 11:1

Asau a nurnur? I lenri: Ra taio i nurnur, i sa tasman mulusi lena, asau ra i kis langlang suri nama nurnur, in rakon pasi ut. Ke tama i utmakai, ikut i tasmani lena i lingmulus ut.

Ibru 3:7

I mo ra dat a taro anun o God, dat in mur a wasiso anun a Tokodos na Nion ra i watungi lena, “Uniri, ra mot longoro in nalngano,

Ibru 4:12

Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat.