2 Timoti 2:9 - Nupela Testamen long tokples Kandas

⁹ Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

2 Timoti 2:9 ပူးပေါင်းရင်းမြစ်များ

Luk 23:32

Ma aru kai, aru laulau na musano, di ben der tomo nam o Iesu sur din sak wat der tomo nami.

Aposel 21:33

A labino mugumugu i wan torom o Pol, ma i dat pasi, ra i itula sur din ker ukai i nama ru sen. Ma i iting lena, “Osi na musano ri? Asau ra i pam raro tari?”

Aposel 28:31

Ra i ser warawai una matanitu anun o God, ma i ser ususer a taro una Labino o Iesu Karisito, ma ke ngara, ma kataio kai i turbati.

Aposel 9:16

Ma an inanosi lena, in taramo a susut na mamaut una risang.”

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Pilipai 1:17

Ikut ara taro det warawai un o Karisito uni det nem na ulabo pas det ut, ma ke lingmulus a nuknukin det. Det nem na wot meleti kut anung a kum mamaut, ra a kis una karabus.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Kolosi 4:18

Iau o Pol, iau ut, a tumus a nat na wasiso na marmaris ri nama lamang torom mot. Gong mot dumano ru iau, ra a kis una karabus. A marmaris anun o God in kis tomo nam mot.

Kolosi 4:3

Mot in wararing kai un met, sur o God in papos saro a kisapi, sur met in upuaso a wasiso un o Karisito, ra numugu i kis eno. A kis una karabus, uni a wasiso nama kum wasiso ri.

1 Tesalonaika 1:8

A wasiso anun a Labino ra mot upuaso i, i sa wan sarara, elar nama tinangis ina garamut, ra i wan bakbak. Awu sur tiro kut o Masedonia ma o Akaia, awu. A kum tamon rop det sa tasman anumot a nurnur un o God. Asau melet mo ra metul in watungi?

2 Tesalonaika 3:1

A kum tistisi metul, iri a ururop na wasiso anumetul, mot in wararing sur metul, sur a wasiso anun a Labino in nan sarara lakit ma a taro det in ru i elar nam mot, mot ru i.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

2 Timoti 1:16

A wararing sur o God in maris o Onesiporus det tamtamano, uni i ser ugasgas iau, ma ke maimai un iau ra a kis una karabus.

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

2 Timoti 2:3

Un tur tomo nam met una kum mamaut, elar nama wakak na tene inaim anun o Karisito Iesu.

2 Timoti 4:17

Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau.

1 Pita 2:12

Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.

1 Pita 2:14

Ma mot in unatino pas mot kai torom a kum mugumugu ra a king i ser tulu ru det, sur det in warkurai a taro ra det pam a sakino, ma det in watung ulabo pas a taro ra det pam a wakakino.

1 Pita 3:16

Ma mot in ser mur a ngasino ra mot tasmani lena i tokodos, sur det ra det watung laulau a kum wakak na petutna mot pami ra mot mur o Karisito, det in maimai una wasiso ra det watung laulau mot nami.

1 Pita 4:15

Gong taio tagun mot i los a ngunungut, uni i a tene um doko a taro, o a tene wolong, o a tene sakino, o a tene uruk lorino una utna ra awu sur anunu.