2 Timoti 2:4 - Nupela Testamen long tokples Kandas

⁴ A wakak na tene inaim ken balon una kum pinapam anun a taro oros kut, awu. In pami ut anun a pinapam sur in ugasgas anun a mugumugu.

2 Timoti 2:4 ပူးပေါင်းရင်းမြစ်များ

Luk 8:14

A kum pitino ra det puku epotor una kum kuikui, det elar nama taro ra det longoro a wasiso, ikut a labino nuknuk una kinkinis anundet, a kum ululeng, ma a gasgas tagun a nilaun nin upiso, det rau bat a wasiso anun o God, ra ka det wu lako windet.

2 Korin 5:9

Lenra, una nilaun nin upiso, o una nilaun sapat netes una langit, met nemi sur met in pami kut a utna ra in gas uni.

Galesia 5:1

O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.

1 Tesalonaika 2:4

Awu! Metul wasiso puaso nama Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas nami, i ra i ser lar tar a nuknuki metul.

2 Timoti 4:10

uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia.

2 Pita 2:20

A taro ra det sa wan gisen gusun a kum dur na petutna tagun a rakrakon bual, uni det sa tasman o Iesu Karisito, anundat a Labino ma Tene Ulaun, ikut numur det puku unin nukun ina sakino petutna, ma a kum laulau na utna ra, i ker ukai melet det, anundet a kinkinis numur in laulau doko taun anundet a kinkinis numugu, ra ka det tasmani utmakai o Iesu Karisito.