2 Timoti 2:3 - Nupela Testamen long tokples Kandas

³ Un tur tomo nam met una kum mamaut, elar nama wakak na tene inaim anun o Karisito Iesu.

2 Timoti 2:3 ပူးပေါင်းရင်းမြစ်များ

Aposel 23:31

Ra a taro na inaim det ben pas o Pol una mirum utong o Antipatris, lenutra di sa watung tari tandet.

1 Korin 13:7

Osi ra i lason una marmaris i ser los a kum mamaut anun a taro, i ser nurnur, ma i kis langlang nama nurnur sur a kum utna rop ra o God in pami, ma i ser tur dekdek ra a kum mamaut i wanpat.

1 Korin 9:7

Osi na tene inaim ra i ut in kul pas a kum utna ra i sibo suri? Osi ra in marut a kinobot na wain ma ken nan pas lako wino gusuni? Osi ra in tamtamabat a kum sipsip ma ken inum pas lako polo na sus tagun det?

2 Korin 1:6

Met taramo a kum mamaut, sur mot in los a warut uni, ma sur din ulaun mot. Ra o God in umarom met, mot kai mot in taramo i. A umumarom ra mot in taramo i, in udekdek mot sur mot in tur dekdek una kum ngas na ngunungut ri, ra met taramo i.

1 Timoti 1:18

Timoti a nutunglik, a kum etowo ri ra a pitari tam, i elar nama wasiso na poropet ra di sa watung tari un ui ra det wararing un ui. Ra un mur a kum etowo ri, ui ara wakak na tene inaim nama Wakak na Wasiso.

2 Timoti 1:1

Iau o Pol, a aposel anun o Karisito Iesu una nemnem anun o God, sur an wasiso talapor una nilaun ra i sa uliliman tari torom dat un o Karisito Iesu.

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

2 Timoti 2:10

I mo ra a taramo a kum ngunungut, ikut a tur dekdek ut, sur det ra o God i sa pilok pas det, det kai det in nurnur un o Karisito Iesu ma in ulaun pas det, ma det in los a minamar tukum.

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.

2 Timoti 4:5

Un nuknuk wakak una kum bung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.

Pilimon 1:2

ma torom o Apia a tisindat a ino, ma torom o Arkipus a pasandat una inaim nama Wakak na Wasiso, ma torom a taro na lotu ra mot ser wan tomo una num a rumu.

Ibru 10:32

Mot in nuk pas a kum bung numugu ra mot sa los pas a talapor una numot a nilaun, ra di pitar a kum labino mamaut ma a kum ngunungut torom mot, ikut mot tur dekdek ut.

Ibru 11:27

Una nun a nurnur, o Moses i katutur tagitong o Ijip, ma ke ngaran a kankan anun a king. I tur dekdek, uni i tama tar o God, i ra ka di tama tari.

Ibru 6:15

Ra o Abaram i kis langlang ma a pinino ke ngoro, ra numur i utur ukai asau ra o God i sa uliliman tari nami.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.