2 Timoti 2:24 - Nupela Testamen long tokples Kandas

²⁴ A tultul anun a Labino gong i ser engaras, ikut in wakak na tene ususer, in pam a wakakino torom a taro rop, ma in ese anun a wowowon na petutna torom a taro ra i ukodos det.

2 Timoti 2:24 ပူးပေါင်းရင်းမြစ်များ

Matiu 12:19

Ken wasiso na kankan, ma ken ugaia, ma ka din longoro in nalngano una kum kisapi.

A Wakak na Wasiso un o Iesu Karisito o Jon i tumusi 6:52

A ramano kum te Juda det engaras etetalai, ra det watungi lena, “A musano ri in tabor petlan dat nama pinino sur dat in nani?”

Aposel 15:2

Ra o Pol ma o Banabas der engaras tomo nam det. Ra a taro na nurnur det pilok tar o Pol ma o Banabas ma ara taro utkai tagun det, sur det in nan usapat o Jerusalem torom a kum aposel ma a kum mugumugu anun a taro na lotu, sur det in ting det una utna ri.

Aposel 23:9

Ra a labino purpuruon i turpasi, a ramano kum Parisi, det ra a kum tene ususer tagun a Warkurai, det tur, ma det engaras dekdek, ma det watungi lena, “Ka met sio pas tu sakino utna ra a musano ri i raro uni. Dat in lai mo? Sako ra tu nion, o tu ensel i sa wasiso taru toromi.”

Aposel 7:26

“A bung numur tano, i tama melet aru te Israel, ra der waim, ra i nemi sur in umalmal der, ma i watungi tander lena, ‘Aru musano, mur pasano kut. Pepetlai ra mur ban laulau etalai melet mur?’

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Korin 10:4

Uni a kum utna na inaim ra met waim nami, awu sur anun a rakrakon bual, awu. A kum dekdek na utna na inaim anun o God, ma det dekdek sakit sur met in rege a kum dekdek na woro nami anun a ebar.

2 Korin 6:4

Una numet a kum pinapam rop i ese i lena, met a kum tultul anun o God. Met tur dekdek ra met taramo a kum mamaut ma a kum ngunungut ma a kum ukadik.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Epeses 4:2

Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna.

Pilipai 2:14

A utna rop ra mot pami gong mot ururai, ma gong mot wasiso na engaras uni,

Pilipai 2:3

Gong mot pam tu utna sur in warut mot ut, ikut ken warut ara taro kai. Gong mot pam tu utna sur mot in ulabo pas mot nami. Mot in unatino pas mot ma mot in nuk ulabo pas ara taro gisen.

Kolosi 3:13

Ma gong mot balano sungun ra taio tagun mot i raro un lako kum utna, mot in dumano ru anun a sakino petutna, elar nama Labino i sa unus ru anumot a kum sakino petutna.

1 Tesalonaika 2:7

I tokodos sur metul in saring mot sur tu ikul, uni metul a tulu aposel anun o Karisito. Ikut ka metul pami lenra. Metul upuaso a balano wakak epotor tamot, elar nama ino ra i tamtamabat a kum nutnutunu.

1 Timoti 6:11

Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna.

Taitus 1:1

Iau o Pol, a tultul anun o God ma a aposel anun o Iesu Karisito, sur an warut a nurnur anun a taro na pipilok anun o God, ma an ususer det sur det in tasman a lingmulusino. A lingmulusino ra in ben det sur det in mur a petutna ra i wakak umatan o God.

Taitus 1:7

I wakak ra a mugumugu na lotu, i a ngas na musano ra katu etakun kura uni, uni i ut a tene tamtamabat una kum pinapam anun o God. Gong i ulabo pasi, gong i ser kankan lakit, gong i tene ininum, gong i tene inaim, ma gong i nemnem sur a susut na mani.

Taitus 1:9

In pam ukai a lingmulus na wasiso ra di sa ususer tari nami, sur in uragot a taro una tokodos na etowo, ma in watung puaso a niraro anundet ra det turbat a Wakak na Wasiso.

Taitus 3:2

Gong det emang, det in balano molmol, det in pam a wakakino torom a taro, ma det in unatino pas det torom a taro rop.

Jems 1:1

Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.

Jems 3:17

Ikut osi ra i utur ukai a mananos tagisapat una langit, a mugano utna in tokodos, ma in tene malmal, ma in ser nuk pas a taro gisen, ma in ser unatino pasi, in bukus nama marmaris, ma in wu a wakak na wino una nun a nilaun, ma in pam ara ngas na petutna kut torom a taro rop, ma katu torotoro tiro una nun a nilaun.

Jems 4:2

Mot nem a kum utna, ikut ka mot utur ukai i. Mot um doko a taro, ma mot nuknuk laulau sur a utna anundet, ikut ka mot pam ukai a utna ra mot nemi. Mot engaras ma mot waim. Ka mot pam ukai a kum utna ra mot nemi, uni ka mot saring o God suri.

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

A Pas anun o Jud 1:3

A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi.