2 Timoti 2:19 - Nupela Testamen long tokples Kandas

¹⁹ Ikut, o God i sa ubek tar a kibin a nurnur ra ken tugunu, ma di sa tumus tar a wasiso uni lena, “A Labino i tasman det ra anunu.” Nam 16:5 Ma di sa tumus tari kai lena, “I ra i watungi lena i anun a Labino, in nan gisen gusun a sakino petutna.”

2 Timoti 2:19 ပူးပေါင်းရင်းမြစ်များ

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

Matiu 28:19

I mo ra mot in nan, mot in ususer a taro tagun a kum gapman rop, sur det kai anung a kum nat na ususer. Mot in baptaiso det nama risan o Tita, ma o Nutunu, ma a Tokodos na Nion.

Matiu 7:23

An balu det lena, ‘Ka tasman mot. Mot a kum tene sakino, mot in nan gisen gusun iau.’

Matiu 7:25

A bato i puku, ra a lomom i wanpat, ma a wuwu i ragoti ra i um a rumu ra, ikut ke toropo lar pas, uni di utur tari netes una wat.

A Wakak na Wasiso un o Iesu Karisito o Mak i tumusi 12:16

Ra det pitar tar a mani tano. Ma i ting det lena, “In masarin osi ri, ma a tumtumus ri uni anun osi?” Ra det balu i lena, “Anun a Sisa.”

A Wakak na Wasiso un o Iesu Karisito o Mak i tumusi 13:22

Uni lako kum torotoro na Karisito, ma lako kum torotoro na poropet det in nanpat. Det in pam lako kum ukinalong ma lako kum utna na ukisin sur det in toro pas a taro ra o God i sa pilok pas det, raut ko ra det in pet lar pasi. Ikut, ka det in pet lar pasi.

Luk 13:27

Ikut in balu mot lena, ‘Ka tasman mot ma tagai mot. Mot a kum tene sakino, mot in nan gisen gusun iau.’

Luk 6:48

I elar nama musano ra i pam tar a rumu. I kil dordorong a kum tung, ma i utur tar a kum pos ina rumu netes una wat. A lomom i wanpat, ma i sal tiro na rumu, ikut ke gunu lar pasi, uni di sa pam wakak tari.

A Wakak na Wasiso un o Iesu Karisito o Jon i tumusi 10:14

“Iau a wakak na tene tamtamabat anun a kum sipsip. A tasman anung a kum sipsip, ma anung a kum sipsip kai det tasman iau,

A Wakak na Wasiso un o Iesu Karisito o Jon i tumusi 13:18

“Awu sur a wasiso un mot rop, a tasman det ut ra a sa pilok pas det. Ikut din pam sot pasi ut a wasiso ra di sa tumus tari una Buk Tabu lena, ‘A musano ra mir wangon tomo nami, in tupukus taru melet sur iau, ma in pas pisopiso iau.’ Sng 41:9

A Wakak na Wasiso un o Iesu Karisito o Jon i tumusi 3:33

Ikut det ra det nurnur una nun a wasiso, det mulaot lena o God i a lingmulus.

Aposel 11:26

Ra i sa sio pasi, i ben pasi utong o Antiok. Ara kudulano kilalo der kis tomo nama taro na lotu tiro iai, ma der ususer a susut na taro doko. A rising “a taro anun o Karisito”, di watung mugu i una taro na ususer tong o Antiok.

Aposel 15:17

sur a taro gisen kai, a taro ra awu sur a taro Juda, det in nukpukus torom a Labino, det ra a sa kabo pas det sur anung. A Labino i sa watung tari lenri, i ra i pam a kum utna ri ra numugu i sa upuaso tari.’ Amo 9:11-12

Aposel 9:14

Ra a kum lamlabino tene etabor torom o God det sa mulaot tari, sur in dat det rop ra det lotu una risam. Ra uniri, i sa wanpat nin.”

A Pas anun o Pol torom a taro Rom 11:2

O God ke rosumur gusun anun a taro, ra numugu utmakai i sa tasman tar det. Pepetlai, ka mot tasman asau ra a Buk Tabu i watungi un o Elaija? I eloklok tan o God una sakino petutna ra a taro Israel det pami. I watungi lena,

A Pas anun o Pol torom a taro Rom 12:9

In wakak ra anumot a marmaris torom a taro in lingmulus. Mot in nget a sakino, ma mot in pam ukai a kum petutna ra i wakak.

A Pas anun o Pol torom a taro Rom 15:20

Una turturkibin ina nung a pinapam torom o Karisito tuk uniri, anung a labino nemnem sur an warawai nama Wakak na Wasiso una kum tamon ra kabaut det tasman o Karisito, sur gong a pam a rumu netes una pos ra ara ut i sa utur tari.

A Pas anun o Pol torom a taro Rom 15:9

I wanpat kai sur a taro ra awu sur a taro Juda det in watung ulabo pas o God una nun a marmaris. Elar nami ra di sa tumus tari una Buk Tabu lenri, “I mo ra an watung ulabo pas ui nisan a taro ra awu sur a taro Israel, ma an kelekele na watung gasgas torom ui.” 2 Sml 22:50

A Pas anun o Pol torom a taro Rom 8:28

Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.

A Pas anun o Pol torom a taro Rom 9:11

Ra ka di usus der utmakai, o God i watungi torom o Rebeka lena, “A mugano in papam torom a murmur.” Stat 25:23 I watung a wasiso ri, ra aru nat ka der pami utmakai tu wakakino o tu sakino. O God i pami lenra, sur anun a pipilok in elar ut nam anun a nemnem. O God, i ra i ser kabo pas a taro, i pilok pas det ra i nem det, awu sur un tu pinapam ra det sa pam tari.

1 Korin 1:2

torom mot a taro na lotu anun o God ra mot kis tiro o Korin. Mot ra o Karisito Iesu i gos talapor pas anumot a nilaun, ma i kabo pas mot sur mot a taro anun o God. Mot a taro anun o God tomo nama taro rop una kum tamon rop ra det lotu una risan anundat a Labino o Iesu Karisito, i ra a Labino anundet ma anundat kai.

1 Korin 8:3

Ikut, ra taio i nem o God, o God i sa tasman o naro ra.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Galesia 4:9

Ikut uniri mot sa tasman a lingmulus na God. A lingmulus, o God i tasman mot. Sur asau ra mot milet melet sur a kum laulau na nion ra ka det gas un tu utna? Pepetlai, mot nemi sur mot in tene ititula melet torom det?

Epeses 2:20

Mot a rumu anun o God, ra di uturi netes una kum aposel ma a kum poropet. Det a kibin a rumu, ma o Karisito Iesu i a wakak na wat, ra i udekdek a rumu.

Epeses 3:15

i ra a Taman a kum kabo taro sapat netes una langit ma nin upiso kai, ma i pitar tar a nilaun torom det rop.

Epeses 4:30

Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot.

1 Timoti 3:15

Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, ra i laun, det elar nama pos ma a kibin a rumu ra i udekdek a lingmulusino.

1 Timoti 6:19

Ra det in pami lenri, det in utur ukai a ululeng mulus. I ra a wakak na kibin anundet a nilaun numur, sur det in los a nilaun ra a nilaun mulus.

Ibru 11:10

O Abaram i kis kut elar nama usiro una tamon ra, uni i kis langlang pas a tamon ra in tur tukum. A tamon ra o God ut i sa nuk tari sur in pami pepetlai, ma i sa pam tari.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

1 Jon 2:19

A kum ebar anun o Karisito, numugu det kis tomo nam dat, ikut det sa pirso pas gusun dat, uni awu sur det mulus tagun dat. Ra gunuk det mulus ut tagun dat, det in kis tukum nisan dat. Ikut, ra det sa wan gusun dat, i ese i lena, awu sur det tagun dat.

Tamtama 17:8

A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.

Tamtama 21:14

In kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.

Tamtama 22:4

Det in tama in masarino, ma din tumus tar a risano una kum masarindet.

Tamtama 3:8

A tasman anumot a kum pinapam. Tama i, a matansako i sa papos taru sa numugu tamot, ma katutaio in tagar lar pasi. A tasmani lena a dekdeki mot ke labo, ikut mot muri ut anung a wasiso, ma ka mot ipul ru a risang.