2 Timoti 2:13 - Nupela Testamen long tokples Kandas

¹³ Ra ka dat in pam sot pas anundat a liliman sur dat in mur o Karisito Iesu, i ut in tur dekdek una nun a liliman, uni ken pet lari sur in kutus anun a liliman.

2 Timoti 2:13 ပူးပေါင်းရင်းမြစ်များ

Matiu 24:35

A langit ma a rakrakon bual der in rop, ikut anung a kum wasiso ken rop.

A Pas anun o Pol torom a taro Rom 3:3

I pepetlai ra ara taro Juda ka det nurnur? Ra ka det nurnur, pepetlai, i topasi sur in turbat o God sur gong i pam sot anun a wasiso?

A Pas anun o Pol torom a taro Rom 9:6

Ra a watungi lenra, awu sur a watungi lena o God ke pam sot pas anun a liliman torom a taro Israel, awu. Uni awu sur a taro Israel rop, det a taro Israel mulus umatan o God.

1 Korin 1:9

Ma a utna ri ra o God i watungi in pami ut. Ra i kabo pas mot sur mot in lason tomo nam o Nutunu o Iesu Karisito anundat a Labino.

1 Tesalonaika 5:24

O naro ra i kabo pas mot in pami lenutra, uni i lingmulus.

2 Tesalonaika 3:3

Ikut a Labino i lingmulus, ma in udekdek mot ma in tamtamabat mot kai gusun o Satan.

Taitus 1:2

A nurnur ra, ma a tastasman ra, i wanpat tagun a kinkinis langlang nama nurnur sur a nilaun tukum. A nilaun tukum ra o God i uliliman taru nami, ra ke ukisi utmakai a rakrakon bual. Ma o God ke ser toro.

Ibru 6:18

Aru utna ri, a liliman, ma a risano ra i udekdek anun a liliman nami, ka din keles lar pasi, ma o God ken toro lar pas nami. O God i pami lenra sur in uragot dat, ra dat sa kalabor bakit taru uni, sur dat in tur dekdek una nundat a kinkinis langlang nama nurnur sur a liliman anun o God, ra kura numur in nanpat.