2 Timoti 1:7 - Nupela Testamen long tokples Kandas

⁷ Uni o God ke tabor dat nama nion na nginara, awu. I tabor dat nama Tokodos na Nion ra i pitar a dekdek torom dat, ma a marmaris ma a petutna ra ara taktakai in tamtamabat wakak anun a nilaun.

2 Timoti 1:7 ပူးပေါင်းရင်းမြစ်များ

Luk 10:19

Tama i, a sa pitar tar a dekdek tamot sur mot in pas watwat a kum sui ma a kum bukalo kai, ma sur mot in winim pas a dekdekin a ebar, ma katu utna in ban laulau mot.

Luk 15:17

“Ra a wakak na nuknuk i wanpat melet toromi, i watungi lena, ‘A kum tultul rop anun o tita det wangangon ma det masmasur pas kut gusun a kum utna. Ikut iau, kuri a mat nama munurak!

Luk 24:49

Tama i, i ra o Tita i sa uliliman taru uni, an tulu ru i torom mot. Ikut mot in kis ut nin una tamon ri, tuk ra din mar tar mot nama dekdek tagisapat netes.”

Luk 8:35

Ra a taro det wan sur det in tama asau ra i wanpat. Det wanpat torom o Iesu, det tama a musano ra a kabo liur na laulau na nion det pirso pas gusuni. Kura mukut i kis taru nisan aru kikin o Iesu, i sa pipis pas ma a nuknukino i sa talapor melet. Ma a taro ra det ngara doko.

A Wakak na Wasiso un o Iesu Karisito o Jon i tumusi 14:27

A pitar a malmal torom mot. Anung a malmal ra, a tabor mot nami. Ka tabor mot elar nama rakrakon bual i etabor. Gong a balamot i mamaut, ma gong mot ngara.

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 21:13

Ikut o Pol i balu met lena, “Ilai ra mot tangis, ma mot utupunuk iau? A sa pitar tar iau sur det in ker iau ma din um doko iau utkai sapat o Jerusalem, kibino una risan a Labino o Iesu.”

Aposel 26:11

A susut na dino a ruk una kum rumu na lotu sur an ukadik det, ma a ser ungongos det sur det in wasiso laulau un o Iesu. A ser kankan dekdek torom det, ra a ser wan una ramano kum tamon gisen, sur an sio pas det ma an ukadik det.

Aposel 26:25

O Pol i watungi lena, “Pestus, ui a labino, ka longlong. Anung a wasiso i lingmulus ma i pitar a kukuraino.

Aposel 6:8

O Stiwen i bukus nama dekdek ma a marmaris anun o God, ra i pam a kum lamlabino utna na ukisin, ma a kum ukinalong utkai umatan a taro.

Aposel 9:22

Ma a warawai anun o Sol i dekdek ra i watung a kum utna ra i ulingmulus pasi lena, o Iesu i ut a Karisito. Ma a taro Juda ra det kis tiro o Damaskus det nuknuk doko una nun a wasiso, ma ka det pet lar pasi sur det in balu i.

A Pas anun o Pol torom a taro Rom 5:5

Ra dat kis langlang nama nurnur, dat tasmani lena a utna ra o God i sa uliliman taru uni in nanpat ut. Uni o God i sa pitar tar a Tokodos na Nion tandat. Ra a Tokodos na Nion i sa lingis tar a marmaris anun o God unin balandat.

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

1 Korin 2:4

Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso,

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Kolosi 1:8

I sa inanos tar mir una numot a marmaris, ra a Tokodos na Nion i tabor mot nami.

Ibru 2:15

O Iesu i mat sur in ulangolango det ra a nginara na minat i ker det una nundet a kum bung na nilaun rop.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Jon 4:18

Katu nginara i kis una marmaris. Ra a marmaris in bukus un taio, in lakro ru a nginara. Ikut, ra taio i ngara, i ese i lena, anun a marmaris ke bukus, ma i nuki lena in iru una warkurai na minabalu.