2 Timoti 1:6 - Nupela Testamen long tokples Kandas

⁶ I mo ra a inanos ui melet sur un ukatutur melet anum a etabor, elar nama sungun ra di wupi ra i kunabor. A etabor ra, o God i tabor ui nami una bung ra a ubek aru lamang netes un ui.

2 Timoti 1:6 ပူးပေါင်းရင်းမြစ်များ

Luk 19:13

Numugu tan anun a inawan, i kabo pas anun a noino tultul toromi, ra i pitar tar ara noino mani tandet, ra i watungi lena, ‘Mot in ulabo i, tuk ra an milet melet.’

Aposel 19:6

Numur o Pol i ubek aru lamano netes un det, ra a Tokodos na Nion i kis mut un det, ma det wasiso nama wur ngas na wasiso, ma det wasiso na poropet.

Aposel 6:6

Ra det ben pas det torom a kum aposel. Ma det ubek a kum lamandet sapat netes un det, ma det wararing.

1 Tesalonaika 5:19

Gong mot turbat a pinapam anun a Tokodos na Nion.

1 Timoti 4:14

Gong u madek ru a etabor na Nion, ra di pitar tari tam, una du bung ra a kum poropet det wasiso na poropet, ma a kum mugumugu det ubek tar a kum lamandet sapat netes un ui.

1 Timoti 4:6

Ra un ususer a kum tistisim nama kum etowo ri, ui a wakak na tultul anun o Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri.

2 Timoti 2:14

Gong u mana nama wasiso torom anum a taro nama kum etowo ri. Un utumarong det umatan o God lena, gong det engaras una kum wasiso, uni ke gas un tu utna, ma in ban laulau det ra det longoro i.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

Ibru 6:2

a etowo una wur ngas na kisapi tagun a baptais, a etowo una ubek lamandi netes una taro, a katkatutur melet gusun a minat ma a warkurai na minabalu tukum.

2 Pita 1:12

Mot sa tasman a kum utna ri, ma mot sa tur dekdek una lingmulus na etowo ra mot sa los pasi, ikut i wakak ra an unuk tar mot melet nami.

2 Pita 3:1

A kum wakak na paspasang, a pas ri, i a manru na pas ra a tumusi torom mot. Ma una aru pas rop ri, a unuk melet tar mot una kum utna ra mot sa tasmani, sur an ukatutur a nuknuki mot sur in tokodos.

A Pas anun o Jud 1:5

Mot sa tasman tar a kum utna ri, ikut a nemi sur an inanos melet mot lena: A Labino i ulaun pas a taro Israel tagitong o Ijip, ikut numur, i um doko ru det ra ka det nurnur.