2 Timoti 1:15 - Nupela Testamen long tokples Kandas

¹⁵ U tasmani lena a taro rop, ra det kis una papor Asia, det sa wan pas gusun iau. O Pigelus ma o Emogenes aru tagun det.

2 Timoti 1:15 ပူးပေါင်းရင်းမြစ်များ

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 19:10

Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.

Aposel 19:27

Ra a utna ri in nanpat torom dat, awu sur in ban laulau a wakak na risan anundat a pinapam kut, det in nuk unatino pasi kai a rumu na lotu anun a ino na god anundat, o Artemis, ma det in unatino pas a risano. Uniri a taro Asia rop ma a rakrakon bual kai det lotu torom anundat a ino na god, o Artemis.”

Aposel 19:31

Ma a ramano kum mugumugu tagun a gapman una papor Asia, ra det tar pasano nam o Pol, det pitar ru a wasiso toromi lena, gong i ruk una rumu na kiwung.

Aposel 2:9

Dat a kum te Patia, a kum te Midia, a kum te Elam, ma dat tagitong una kum papapor Mesopotemia, Judia, Kapadosia, Pontus, Asia,

Aposel 20:16

O Pol i sa pam tari una nuknukino sur in nan sakiti kut o Epeses, sur gong melet mo i balon tong una papor Asia, uni i nemi sur in nan lakit usapat o Jerusalem sur in kis sapat, una bung na Pentikos.

1 Korin 16:19

A taro na lotu una kum tamon nin una papor Asia det pitar anundet a marmaris torom mot. O Akuila ma o Prisila ma a taro na lotu kai ra det ser lotu tomo una nunder a rumu, det pitar anundet a labino marmaris torom mot una risan a Labino.

Pilipai 2:21

Uni, a taro rop det nuk pas det ut ma anundet a kum pinapam, ma ka det nuk pas o Iesu Karisito ma anun a pinapam.

2 Timoti 4:16

A mugano du bung ra a tur una warkurai ma a wasiso bat iau, kataio i tur warut iau, det wan rop pas kut gusun iau. A wararing lena o God gong i balu anundet a petutna.