2 Tesalonaika 3:8 - Nupela Testamen long tokples Kandas

⁸ Ka metul wan oros pas tu utna na inangon tan taio ra ka metul kuli, awu. Una kum mirum ma a waspi, metul papam dekdek nama lamametul sur u warut metul una numetul a kinkinis, sur gong metul pitar a maut torom tu pasamot sur in kul metul.

2 Tesalonaika 3:8 ပူးပေါင်းရင်းမြစ်များ

Matiu 6:11

A bung ri un tabor met nam amet a utna na inangon.

Aposel 18:3

I kis nisan der ma detul papam tomo, uni detul a tulu tene pam rumu na sel.

Aposel 20:34

Mot ut, mot tasmani lena, a papam ut nama aru lamang sur a kum utna ra in topas iau, ma det kai ra met wan tomo.

1 Korin 4:12

Met papam dekdek nama kum lamamet ut. Ra det watung laulau met, met watung udan det. Ra det ukadik met, ka met balu det.

1 Korin 9:4

Ra mir nam o Banabas mir papam epotor tamot, i tokodos ut sur mot in tabor mir sur mir in nangon ma mir in inum.

2 Korin 11:27

A dekdek ma a papam dekdek ut. A susut na bung na mirum ka inep. A susut na dino a muruk ma a murak. A susut na dino ka wan tu utna. A ramano kum dino a sibo sur a malu ma a taramo a kotokoto.

2 Korin 11:9

A susut na dino a sibo ra a kis tomo nam mot, ikut ka pitar tu maut torom mot. Uni a kum tistising una nurnur tagisa o Masedonia det wanpat, ra det tabor iau nama utna ra a sibo suri. Ka saring tar mot, ma kan saring tar mot kai sur tu utna.

Epeses 4:28

Osi ra i ser wolong, gong melet mo i wolong. I wakak sur in pam a wakak na pinapam nam aru lamano, sur in pam pat a utna sur in tabor a sibo na taro nami.

1 Tesalonaika 2:9

A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul.

1 Tesalonaika 4:11

Mot in dekdek sur anumot a nilaun in lenri: Mot in kis na malmal, ma gong mot uruk lorimot sur tu utna anun taio. Mot in papam nama lamamot sur amot a utna na inangon, elar nami ra metul sa watung tari tamot.

2 Tesalonaika 3:12

Una risan a Labino o Iesu Karisito metul turbat a ngas na taro ra, ma metul saring det, sur det in kis wowowon ma det in papam sur andet lako utna na inangon ra det in laun nami.