2 Tesalonaika 3:4 - Nupela Testamen long tokples Kandas

⁴ Metul nurnur una Labino lena kura ut mot mur a kum wasiso ra metul sa inanos tar mot uni, ma mot in ser muri lenutra.

2 Tesalonaika 3:4 ပူးပေါင်းရင်းမြစ်များ

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

A Pas anun o Pol torom a taro Rom 15:14

A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

A Pas anun o Pol torom a taro Rom 15:18

Ka nem na wasiso un tu utna gisen. A nem na wasiso kut una pinapam, ra o Karisito i sa pam tari ulamang, sur an ben a kum taro ra awu sur a taro Juda sur det in mur a wasiso anun o God. Det muri kibino una nung a kum wasiso ma anung a kum pinapam.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

1 Korin 14:37

Ra taio i nuki lena i ut a poropet, o a Tokodos na Nion kura uni, i wakak sur in tasmani lena asau ra a tumusi torom mot, a warkurai ut anun a Labino.

1 Korin 7:19

A petutna ra di tok talilis a pinin taio, o ka di tok talilis a pinino, i a utna oros kut. Ikut a petutna ra taio in mur a kum warkurai anun o God, i ra i labo sakit.

2 Korin 2:3

Iri a kibino ra a tumtumus kut torom mot, sako ra an nan ut, an tupunuk un mot. Uni in wakak sur mot in ugasgas iau. A tasmani lena, ra an gas, mot kai dat in gas tomo.

2 Korin 2:9

Una nung ara pas ra a tumusi torom mot, a lar mot kut nami, sur an tasmani lena, mot in mur anung a kum wasiso rop, o awu.

2 Korin 8:22

Ma met in tulu ru i kai ara tisimet una nurnur tomo nam der. Met sa lar tari a susut na dino, ma met tasmani lena, i ser gas sur a pinapam. Ra uniri, i nem doko i sur in warut una pinapam ri, uni i nurnur un mot.

Galesia 5:10

Ikut iau ut, a nurnur lena a Labino in udekdek mot sur mot in mulaot tomo nam iau. Ma osi ra i sa ban lokolokor tar mot, in taramo i ut a dekdek na warkurai anun o God toromi.

Pilipai 1:6

A tasman mulusi lena, o God ra i turpas a wakak na pinapam un mot, in pam nanani, tuk ra in uropi, una bung ra o Karisito Iesu in nan pirso melet.

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

1 Tesalonaika 4:10

A lingmulus ut, mot nem a kum tistisi mot rop tiro una papor Masedonia rop. Ikut, metul saring mot sur anumot a marmaris in lubung dekdek ut.

2 Tesalonaika 3:12

Una risan a Labino o Iesu Karisito metul turbat a ngas na taro ra, ma metul saring det, sur det in kis wowowon ma det in papam sur andet lako utna na inangon ra det in laun nami.

2 Tesalonaika 3:6

A kum tistisi metul, metul saring dekdek mot nama risan a Labino o Iesu Karisito lena, mot in nan gisen gusun a kum tubunu wok na tistisin dat ra ka det ser mur a kum etowo ra metul inanos tar mot nami.

Pilimon 1:21

Ra a tumus a pas ri, a tasman mulusi lena, un muri ut anung a sasaring torom ui, ma a tasmani kai lena un pam a utna in labo taun asau ra a saring ui suri.