2 Tesalonaika 3:2 - Nupela Testamen long tokples Kandas

² Ma mot in wararing sur metul, sur o God in ulaun metul gusun a sakino taro, uni awu sur a taro rop a kum tene nurnur.

2 Tesalonaika 3:2 ပူးပေါင်းရင်းမြစ်များ

Matiu 17:17

O Iesu i balu i lena, “Mot a taro tagun uniri, ka mot nurnur ma mot a kum tene sakino. A sa kis suano i torom mot. Nangisin mo mot in nurnur? Mot in ben a nat ra urin torom iau.”

Matiu 23:23

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot nuk pas a kum lamlabino utna una kum warkurai. Iri a kum lamlabino utna: a tokodos na warkurai, ma a marmaris torom a taro, ma a lingmulus na petutna. I wakak sur mot in pam a kum utna ra, ma gong kai mot dumano ru in tektekene tagun a noino, sur mot in pitari torom o God.

Luk 18:8

A watungi tamot, in ukodos lakit det. Ikut, ra a Nutun a Musano in nanpat, pepetlai, in etorom pas lako taro ut nin upiso ra det nurnur uni o awu?”

Aposel 13:45

Ra a kum te Juda det tama a kunur na taro, a nuknukin det i laulau torom o Pol ma o Banabas, ma det mang sakosako a kum wasiso ra o Pol i wasiso nami.

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 14:2

Ikut a ramano taro Juda ra ka det nem na nurnur, det usungun balan a ramano taro ra awu sur a taro Juda. Det ban laulau a nuknukin det sur det in kankan torom det ra det tar tistisino una nurnur.

Aposel 17:5

Ikut, a nuknukin a ramano taro Juda i laulau doko un der, uni a susut det mur der. Ra det ben pas a ramano kum tene pet laulau tagun a nubual ra a taro det ser wan tomo iai. Det wan tomo, ra det ukatutur a balan a taro. Det kalabor ruk una rumu anun o Jeson, ma det sisio sur o Pol ma o Sailas sur det in ben pirso pas der torom a taro.

Aposel 25:27

Uni a nuki lena ke tokodos sur an tulu tu karabus torom a Sisa, ma ka di tumus ukai asau ra di takuni nami.”

Aposel 28:24

A ramano taro tagun det, det nurnur un asau ra o Pol i watungi, ikut ara taro kai, ka det nurnur.

A Pas anun o Pol torom a taro Rom 10:16

Ikut awu sur a taro rop det mur a Wakak na Wasiso. Elar nami ra a poropet Aisaia i sa watung tari lena, “Labino, osi i nurnur una numet a wasiso? Katutaio.” Ais 53:1

A Pas anun o Pol torom a taro Rom 15:31

Mot in saring o God sur in ulaun iau gusun a taro ra ka det nurnur, ra kurong det una papor Judia. Ma mot in wararing kai sur a taro anun o God sapat o Jerusalem det in gas pas anung a pinapam na etabor torom det.

1 Korin 15:32

Ra a waim nama kum kuabor na taro nin o Epeses sur an pam sot pas anung a nemnem kut, i warut petlan iau? Ra a kum minat ka det in katutur melet gusun a minat, dat in mur a wasiso anundet ra det ser watungi lenri, “Dat in nangon ma dat in inum, uni markan dat in mat.” Ais 22:13

1 Tesalonaika 2:18

Metul nem doko i sur metul in milet melet torom mot. Iau, o Pol, a lari a susut na dino sur an nan torom mot, ikut o Satan i turbat metul.

2 Timoti 4:17

Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau.