2 Tesalonaika 3:11 - Nupela Testamen long tokples Kandas

¹¹ Metul longoro i lena, a ramano taro tagun mot, a kum tubunu wok na taro. Ka det papam, det balon kut una uruk lorindet una utna ra awu sur anundeti.

2 Tesalonaika 3:11 ပူးပေါင်းရင်းမြစ်များ

Epeses 4:28

Osi ra i ser wolong, gong melet mo i wolong. I wakak sur in pam a wakak na pinapam nam aru lamano, sur in pam pat a utna sur in tabor a sibo na taro nami.

1 Tesalonaika 4:11

Mot in dekdek sur anumot a nilaun in lenri: Mot in kis na malmal, ma gong mot uruk lorimot sur tu utna anun taio. Mot in papam nama lamamot sur amot a utna na inangon, elar nami ra metul sa watung tari tamot.

2 Tesalonaika 3:6

A kum tistisi metul, metul saring dekdek mot nama risan a Labino o Iesu Karisito lena, mot in nan gisen gusun a kum tubunu wok na tistisin dat ra ka det ser mur a kum etowo ra metul inanos tar mot nami.

1 Timoti 5:13

Det in ukio anundet a kum du bung nama inawan tuptupukus una kum rumu. Ma det in wasiso eno, det in wasiso una utna ra awu sur anundet, ma det in watung a kum wasiso ra ke wakak sur det in watungi.

1 Pita 4:15

Gong taio tagun mot i los a ngunungut, uni i a tene um doko a taro, o a tene wolong, o a tene sakino, o a tene uruk lorino una utna ra awu sur anunu.