2 Tesalonaika 1:9 - Nupela Testamen long tokples Kandas

⁹ Det in taramo a warkurai na minabalu ra ken rop, i a iniru tukum, ma det in kis gisen gusun a Labino ma a minamarin a dekdekino.

2 Tesalonaika 1:9 ပူးပေါင်းရင်းမြစ်များ

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 22:13

Ra a king i watungi tan anun a kum tultul lena, ‘Mot in ker pas aru kikino ma aru lamano ma mot in woro pirso ru i unago utamon una dumirum. Tiro iai di tangtangis ma di ungingit lokondi iai.’

Matiu 24:30

“Una bung ra, a ukinalong ina Nutun a Musano in nanpat una bakut. Ma a taro tagun a kum gapman rop una rakrakon bual det in domos. Ma det in tama a Nutun a Musano in nanpat una kum du bakut tagisapat una langit, nama dekdek ma a labino minamar.

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Matiu 25:46

Ra det in nan sur a ngunungut tukum. Ikut a kum tene tokodos det in nan sur a nilaun tukum.”

Matiu 26:24

A Nutun a Musano in mat elar nami ra di sa tumus tari una Buk Tabu. Ikut in laulau sakit torom a musano ra in pitar tari torom a kum ebar. In wakak toromi ra ka din ususi, sur gong i taramo a dekdek na warkurai ra uni.”

Matiu 7:23

An balu det lena, ‘Ka tasman mot. Mot a kum tene sakino, mot in nan gisen gusun iau.’

Luk 13:27

Ikut in balu mot lena, ‘Ka tasman mot ma tagai mot. Mot a kum tene sakino, mot in nan gisen gusun iau.’

A Wakak na Wasiso un o Iesu Karisito o Jon i tumusi 5:14

Numur ut, o Iesu i barato pas a musano ra una rumu na etabor. I watungi tano lena, “Tama i, uniri u sa langolango. Gong melet mo u pam tu sakino, sako numur tu laulau na utna sakit in nanpat un ui.”

Pilipai 3:19

Det wan mukut sur a iniru, a nemnem na pinindet i anundet a god. Det uman nama kum petutna ra din maimai nami. A nuknukin det i kis kut una kum utna taginin upiso.

1 Tesalonaika 5:3

Ra a taro det in watungi lenri, “Ai, ka dat taramo tu maut. A wakak na nilaun kut ri dat taramo i,” a iniru in nanpat kisin torom det, elar nama ngunungut ra a ino i taramo i ra milau sur in usus. Ka det in kalabor eno pas gusun a iniru.

2 Tesalonaika 2:8

Numur a tene lakai warkurai in nanpat puaso, ma a Labino o Iesu in kamar ru i nama wuwu na wano, ma in ban laulau i nama minamarin anun a inawan pat.

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

Ibru 10:29

Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.

2 Pita 2:17

A kum musano ri, det elar nama kum matmatano danim ra det sa mamaso, ma det elar kai nama gawul ra a labino wuwu i wup ru i. O God i sa waninar tar a nubual sur det una labino dumirum.

2 Pita 3:7

O God i pam ukai a bakut ma a rakrakon bual nama wasiso ra, a bakut ma a rakrakon bual ri dat tama der. I pam ukai der sur der in kis langlang sur a bung na warkurai, ra a sungun in ban laulau der, tomo nama taro ra ka det mur a petutna ra i wakak umatan o God.

A Pas anun o Jud 1:13

Det elar nama labino top ra i tapak, ma nundet a kum sakino petutna na maimai ra ka det maimai uni, i wanpat talapor elar nama busu na top. Ma det elar kai nama kum nangnang ra ka det kis una kinandet, det wan tuptupukus kut, ra o God i sa waninar tar a labino dumirum sur det, ma ken rop.

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.

Tamtama 20:14

Numur di woro pirso ru a minat ma o Edes unin labino tung na sungun. In nutung na sungun ra, i a manru na minat.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.