2 Tesalonaika 1:8 - Nupela Testamen long tokples Kandas

⁸ In ukadik det ra ka det tasman o God, ma ka det longoro a Wakak na Wasiso anun anundat a Labino o Iesu.

2 Tesalonaika 1:8 ပူးပေါင်းရင်းမြစ်များ

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Matiu 25:46

Ra det in nan sur a ngunungut tukum. Ikut a kum tene tokodos det in nan sur a nilaun tukum.”

A Wakak na Wasiso un o Iesu Karisito o Jon i tumusi 3:19

Iri a warkurai anun o God: A talapor i sa wanpat una rakrakon bual, ikut a taro det nem a dumirum kut ma a talapor awu, uni det pam a kum sakino petutna.

A Wakak na Wasiso un o Iesu Karisito o Jon i tumusi 8:19

Det tingi lena, “Awai i o tamam?” O Iesu i balu det lena, “Ka mot tasman iau ma ka mot tasmani kai o Tamang. Ra gunuk mot in tasman iau, mot in tasmani kai o Tita.”

Aposel 6:7

A wasiso anun o God i wan sarara, ma a niluluk ina taro na ususer sapat o Jerusalem, i labo nanan kai. Ma a susut na tene etabor torom o God kai, det nurnur ma det mur a Wakak na Wasiso.

A Pas anun o Pol torom a taro Rom 1:28

I kai ri, ka det nuk pasi mo o God, det nuki lena, a etowo un o God i utna oros kut. I mo ra i madek tar det sur in laulau a nuknukin det, ma det pami mukut a kum utna ra ke sot sur din pami.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

A Pas anun o Pol torom a taro Rom 10:16

Ikut awu sur a taro rop det mur a Wakak na Wasiso. Elar nami ra a poropet Aisaia i sa watung tari lena, “Labino, osi i nurnur una numet a wasiso? Katutaio.” Ais 53:1

A Pas anun o Pol torom a taro Rom 15:18

Ka nem na wasiso un tu utna gisen. A nem na wasiso kut una pinapam, ra o Karisito i sa pam tari ulamang, sur an ben a kum taro ra awu sur a taro Juda sur det in mur a wasiso anun o God. Det muri kibino una nung a kum wasiso ma anung a kum pinapam.

A Pas anun o Pol torom a taro Rom 16:26

Ikut uniri, i sa wanpat puaso. Met wasiso talapor una sau ra a kum poropet det watung tari un o Karisito. Met pami elar nami ra o God, i ra i laun tukum, i inanos tar met sur met in pami, sur a taro tagun a kum gapman rop, det in nurnur ma det in mur a wasiso anun o God.

A Pas anun o Pol torom a taro Rom 6:16

Pepetlai, ka mot tasmani lena, ra mot pitar tar mot torom taio sur mot in longoro i, mot a kum tene ititula anunu? Ra mot a kum tene ititula anun a sakino petutna, in pitar a minat torom mot. Ikut, ra mot a kum tene ititula anun o God ma mot ser longoro i, mot tokodos umatano.

1 Korin 15:34

Mot in tuangun, mot in mur a tokodos na petutna, ma mot in mana gusun a kum sakino petutna. Uni ara taro tagun mot ka det tasman o God. A watungi lenri sur mot in maimai.

2 Korin 10:5

Met kamar ru a kum torotoro na wasiso ra a taro det uman labino nami, sur det in turbat a taro sur gong det tasman o God. Ra met dat pukus a nuknukin a taro, sur det in mur a wasiso anun o Karisito.

Galesia 3:1

A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i.

Galesia 4:8

Numugu, ra ka mot tasman o God, mot tene ititula torom a kum god ra awu sur a kum god mulus.

1 Tesalonaika 4:5

Ma gong mot mur a dekdek na nemnem ina pamuk na petutna, elar nam det ra ka det tasman o God.

Ibru 10:27

Dat in kis langlang mukut nama nginara sur a warkurai ra in nanpat, ma a karangop na sungun ra in tun rop ru a kum ebar anun o God.

Ibru 10:30

Uni dat tasman o God, i ra i watungi lena, “Anungi kut a warkurai na minabalu. Iau an mabalu.” Lo 32:35 Ma i watungi kai lena, “A Labino in warkurai anun a taro.” Lo 32:36

Ibru 11:8

Una nun a nurnur, o Abaram i mur a wasiso ra o God i kabo pasi sur in nan sur a tamon ra o God i sa uliliman tari sur numur anunu. I wan, ikut ke tasman a tamon ra i wan suri.

Ibru 12:29

uni anundat a God i elar nama karangop na sungun, ra in tun rop ru a kum ututna rop.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.

1 Pita 3:6

elar nam o Sara ra i ser longoro o Abaram, ma i watungi lena anun a labino. Ma mot a kum nutnutun o Sara, ra mot pam asau ra i tokodos, ma ka mot ngara.

1 Pita 4:17

A bung na warkurai i sa wanpat sur din warkurai mugu dat a taro anun o God. Ra a warkurai in turpasi un dat, in pepetlai torom det ra kura, ra det pitarngat una Wakak na Wasiso anun o God?

2 Pita 3:7

O God i pam ukai a bakut ma a rakrakon bual nama wasiso ra, a bakut ma a rakrakon bual ri dat tama der. I pam ukai der sur der in kis langlang sur a bung na warkurai, ra a sungun in ban laulau der, tomo nama taro ra ka det mur a petutna ra i wakak umatan o God.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 6:10

Det kukukuk nama kum labino walngandet lena, “A Labino Tadaru, ui u tasur ma u lingmulus. Nangisin mo un warkurai det ra det kis una rakrakon bual, ma un balu det uni det um doko met?”