2 Pita 3:7 - Nupela Testamen long tokples Kandas

⁷ O God i pam ukai a bakut ma a rakrakon bual nama wasiso ra, a bakut ma a rakrakon bual ri dat tama der. I pam ukai der sur der in kis langlang sur a bung na warkurai, ra a sungun in ban laulau der, tomo nama taro ra ka det mur a petutna ra i wakak umatan o God.

2 Pita 3:7 ပူးပေါင်းရင်းမြစ်များ

Matiu 10:15

A inanos mot nama lingmulus, una bung na warkurai, a warkurai torom a tamon ra, in laulau doko taun a warkurai torom a taro Sodom ma o Gomora.

Matiu 11:22

A watungi tamot lena, una bung na warkurai, a warkurai torom mot a taro Korasin ma o Betsaida, in laulau doko taun a warkurai torom a taro Tair ma o Saidon.

Matiu 11:24

A watungi tamot lena, una bung na warkurai, a warkurai torom mot a taro Kapernaum in laulau doko taun a warkurai torom a taro Sodom.”

Matiu 12:36

A watungi tamot lena, a kum wasiso laulau rop ra a taro det sa watung tatari, kura numur din ting det uni una bung na warkurai.

Matiu 24:35

A langit ma a rakrakon bual der in rop, ikut anung a kum wasiso ken rop.

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

A Wakak na Wasiso un o Iesu Karisito o Mak i tumusi 6:11

Ra a taro tagun tu tamon ka det in gas pas mot, ma ka det in longoro anumot a wasiso, ra mot in nan gusun a tamon ra, mot in tang ru a kubus gusun a kikimot. Mot in tang ru a kubus sur a ukinalong na utumarong torom det.”

A Wakak na Wasiso un o Iesu Karisito o Jon i tumusi 12:48

Osi ra ke nem iau ma ke mur anung a kum wasiso, anung a kum wasiso ut ra, det in warkurai i una bung na warkurai.

A Pas anun o Pol torom a taro Rom 2:5

Ikut, a balamot i dekdek ma ka mot nukpukus, ra mot ubek tomo anun a kankan netes un mot, sur a bung na kankan anun o God, ra anun a tokodos na warkurai in nanpat talapor.

1 Korin 3:13

din upuaso anun a ngas na pinapam una bung na warkurai. Din upuaso i nama sungun, ma a sungun ra in lar a ngas na pinapam anun arara taktakai.

Pilipai 1:28

ma ka mot in ngaran a kum ebar. Iri a ukinalong torom anumot a kum ebar ra det in iru, ikut torom mot, o God in ulaun mot. O God ut in pam a kum utna ra.

2 Tesalonaika 2:3

Gong mot madek tar taio sur in toro mot nam tu wasiso o tu kisapi sur mot in muri. Uni a bung ra, ken nanpat utmakai, tuk ut ra, lako susut na taro det in rosumur gusun o God, ma a tene lakai warkurai in nanpat pupuaso, i ra, numur in iru.

1 Timoti 6:9

Ma det ra det nem a labino mani, det in puku una ululam, ma det in iru unin nukun, ma a kum nemnem ororos kut, ma a nemnem sur a utna ra, in ban laulau det. Ra in woro pirso a susut na taro una minat ma a iniru tukum.

Ibru 12:29

uni anundat a God i elar nama karangop na sungun, ra in tun rop ru a kum ututna rop.

2 Pita 2:9

Ra a Labino i tasman a kisapi ra in ulaun pas a taro ra det ru i, gusun a kum larlar ra in barato det. Ma i tasmani kai a kisapi ra in ukadik a taro ra det rosumur gusuni, ma det kis langlang sur anundet a warkurai na minabalu, una bung na warkurai.

2 Pita 3:10

Ikut a bung anun a Labino in nanpat kisin elar nama tene wolong. A bakut in rorom nama labino rurung, ma a kum ukukis kusapat uni, det in laulau rop tan a labino sungun, ma a rakrakon bual ma a kum utna rop ra det kis uni, det in rorom rop.

2 Pita 3:12

Ma mot in kis langlang sur a bung anun o God, ma mot in urarak a bung sur in nanpat lakit. Una bung ra, o God in tun ru a bakut, ma a kum utna sapat una bakut in polo tan a labino mararong ina sungun, ma in rorom.

1 Jon 4:17

Una kisapi ri, anun a marmaris i bukus un dat, ma ka dat in ngara una bung na warkurai, uni nin una rakrakon bual, dat laun elar nam o Karisito.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.

Tamtama 17:11

Ma a kuabor na wewegua ra i sa laun pas numugu ma ke laun uniri, i ra a mantiwal na king tagun a wonom mawit na king ra, ma in nan sur in iru.

Tamtama 17:8

A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.

Tamtama 21:1

Numur a tama a matok na langit ma a matok na rakrakon bual, uni a mugano langit ma a mugano rakrakon bual der sa rorom, ma kalako tasi mo.