2 Pita 3:2 - Nupela Testamen long tokples Kandas

² A nemi sur mot in nuk pas a kum wasiso ra a kum poropet anun o God det sa wasiso mugu taru uni, ma mot in nuk pasi kai a warkurai anun anundat a Labino ma a Tene Ulaun, ra a kum aposel det sa inanos tar mot nami.

2 Pita 3:2 ပူးပေါင်းရင်းမြစ်များ

Luk 1:70

elar nami ra i sa watung tari numugu utmakai una wan anun a kum tasur na poropet.

Luk 24:27

Turpasi una kum buk anun o Moses ma a kum poropet rop, o Iesu i papalos torom der una kum utna, ra di sa tumus tari uni ut, una Buk Tabu.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

Aposel 10:43

Ma a kum poropet rop det wasiso puaso un o Iesu, lena osi ra i nurnur uni, din unus ru anun a kum sakino petutna nama risano.”

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

Aposel 3:18

Ikut una kum utna ri mot pami, o God i pam sot pas a kum utna ra i sa watung mugu tari nama wasiso anun a kum poropet rop, lena anun a Karisito in mat.

Aposel 3:21

In kis sapat netes una langit, tuk una bung ra o God in umatok melet a kum utna rop, ra i sa watung tari numugu utmakai nama wasiso anun a kum tasur na poropet anunu.

Galesia 6:2

Mot in warut etetalai mot una numot a kum mamaut. Ra mot pami lenri, mot pam sot pas a warkurai anun o Karisito.

Epeses 2:20

Mot a rumu anun o God, ra di uturi netes una kum aposel ma a kum poropet. Det a kibin a rumu, ma o Karisito Iesu i a wakak na wat, ra i udekdek a rumu.

Epeses 3:5

A kum taun taro tagun numugu, kataio i inanos talapor det uni, ikut uniri a Tokodos na Nion i upuaso i torom a kum tasur na aposel anun o God, ma a kum tasur na poropet anun o God.

1 Timoti 6:14

Un mur a kum wasiso ri, ma gong u pam tu utna ra taio in takun ui uni, tuk una bung ra anundat a Labino o Iesu Karisito in nanpat melet.

2 Pita 2:21

Gunuk ra ka det in tasman a kisapi ina tokodos na petutna, in wakak torom det. Ikut uniri, in laulau doko torom det, uni det sa tasmani, ikut det rosumur melet gusun a warkurai anun o God, ra di sa pitar tari tandet.

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.

2 Pita 3:16

Una nun a kum pas rop, ra i wasiso una kum utna ri, anun a wasiso i elar nami ra a sa wasiso taru nami. A ramano kum wasiso ra i tumusi i ngangitin sur din tasman a kukuraino. Ma ara taro ra ka det talapor wakak uni, ma anundet a nurnur ke dekdek, anundet a papalos uni i raro kut, elar nama nundet a papalos una ramano kum du Buk Tabu. Ma det ut det in iru uni.

1 Jon 4:6

Dat anun o God, ma osi ra i tasman o God i longoro dat. Ikut osi ra awu sur tagun o God, ken longoro dat. Lenra dat in tasman lele a Nion ra i lingmulus, ma a nion ra i torotoro.

A Pas anun o Jud 1:17

Ikut mot, a kum wakak na paspasang, mot in nuk pas a kum wasiso anun a kum aposel anun a Labino anundat o Iesu Karisito, ra det sa inanos mugu tar mot nami.

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”