2 Pita 3:15 - Nupela Testamen long tokples Kandas

¹⁵ Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.

2 Pita 3:15 ပူးပေါင်းရင်းမြစ်များ

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

Aposel 15:25

Uniri met sa wasiso tomo pas, ma met rop met mulaot sur met in pilok pas lako ru musano, sur met in tulu der torom mot. Der in nan tomo nama ru wakak na paspasa met, o Banabas ma o Pol,

Aposel 7:10

ra i ulaun pasi gusun a kum maut ra i monongi. I pitar a wakak na mananos tano, ma i waruti sur o Pero, a king tagitong o Ijip, in gas nami. Ra o Pero i ukis tari sur in mugumugu una tamon Ijip, ma in mugumugu kai una rumu anun o Pero.

Aposel 9:17

Ra o Ananias i wan, ma i ruk una rumu ra o Sol i kis iai. Ra i ubek aru lamano netes uni, ma i watungi lena, “Sol, a tising, a Labino o Iesu, i ra i tur pat torom ui una kisapi ra u wan urin, i ut i tulu ru iau urin sur un tamtama melet, ma sur un bukus nama Tokodos na Nion.”

A Pas anun o Pol torom a taro Rom 2:4

I sa ese anun a wakak na petutna ra i bukus torom mot, ma ke warkurai lakit mot una numot a kum sakino petutna, ma a pinino ke ngoro lakit nam mot. Pepetlai, mot nuk penpen kut una nun a kum wakak na petutna ra? Pepetlai, ka mot tasmani lena, i maris mot lenri sur mot in nukpukus?

1 Korin 12:8

A Tokodos na Nion i tabor ara nama mananos sur in wasiso nami, ma a Nion ut ra, i tabor ara kai nama wakak na nuknuk sur in wasiso nami.

1 Korin 2:13

Met wasiso una kum etabor ri, ikut ka met wasiso nama kum wasiso na mananos anun a taro, awu. Met wasiso nama kum wasiso ra a Tokodos na Nion ut i ususer met nami. Met watung palos a kum etowo na nion torom a taro ra a Tokodos na Nion kura un det.

1 Korin 3:10

Kibino una marmaris anun o God ra i sa pitar tari tang, a papam elar nama tene pam rumu ra i mananos. A sa utur tar a kibin a rumu, ra ara taro bulung det papam netes uni. Det rop taktakai ra det papam netes uni, det in tumarong det una si na ngas na pinapam ra det in pami.

Epeses 3:3

Ma o God i utalapor iau una utna ra numugu i kis eno. Ma una pas ri a sa tumtumus lilik pas uni.

1 Timoti 1:16

Ikut o God i maris iau, sur o Karisito Iesu in ese anun a wowowon na petutna torom iau, ra a laulau sakit tan a kum tene sakino rop. I ulaun iau ma i unus ru anung a kum sakino petutna. Lenra, a wanpat a wakak na malalar, sur a taro det in tama asau ra o Iesu i pami un iau, ma det in nurnur un o Iesu, ma det in rakon a nilaun tukum.

Jems 1:5

Ra taio tagun mot i sibo sur a mananos, in saring o God suri. Ra o God in tabori nami, uni i ser tabor dat rop, ma ke ser bitan tu utna. Ma ke ser kankan torom taio ra i sasaring.

Jems 3:17

Ikut osi ra i utur ukai a mananos tagisapat una langit, a mugano utna in tokodos, ma in tene malmal, ma in ser nuk pas a taro gisen, ma in ser unatino pasi, in bukus nama marmaris, ma in wu a wakak na wino una nun a nilaun, ma in pam ara ngas na petutna kut torom a taro rop, ma katu torotoro tiro una nun a nilaun.

1 Pita 3:20

A kum nion ra, a nion a taro tagun numugu utmakai una kum kilalo anun o Noa. O God i kiskis langlang pas det sur det in nukpukus, ra o Noa i pam a sip. Ikut det pitarngat. Ra o God i ulaun pasi mukut a tiwal det gusun in nolomom.

2 Pita 3:2

A nemi sur mot in nuk pas a kum wasiso ra a kum poropet anun o God det sa wasiso mugu taru uni, ma mot in nuk pasi kai a warkurai anun anundat a Labino ma a Tene Ulaun, ra a kum aposel det sa inanos tar mot nami.

2 Pita 3:9

A Labino ke wowowon sur in pam sot pas anun a liliman lena in milet melet, elar nam ara taro det nuki. Awu, i kis langlang pas mot, uni ke nemi sur taio in iru. I nemi sur a taro rop det in nukpukus.