2 Pita 3:1 - Nupela Testamen long tokples Kandas

¹ A kum wakak na paspasang, a pas ri, i a manru na pas ra a tumusi torom mot. Ma una aru pas rop ri, a unuk melet tar mot una kum utna ra mot sa tasmani, sur an ukatutur a nuknuki mot sur in tokodos.

2 Pita 3:1 ပူးပေါင်းရင်းမြစ်များ

Matiu 5:8

Det ra a nuknukin det katu dur uni, det dan, uni det in tama o God.

2 Korin 13:2

Una nung a manru na inawan pat torom mot, a sa utumarong tar mot una numot a kum sakino petutna. Ma uniri ra a kis gisen, an inanos melet mot ut una utna ri: Numur, ra an nanpat tiro, an wasiso dekdek torom det ra kabaut det nukpukus gusun anundet a kum sakino tagun numugu, ma osi kai ra i pam a sakino.

1 Timoti 5:22

Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos.

2 Timoti 1:6

I mo ra a inanos ui melet sur un ukatutur melet anum a etabor, elar nama sungun ra di wupi ra i kunabor. A etabor ra, o God i tabor ui nami una bung ra a ubek aru lamang netes un ui.

Ibru 6:9

A kum wakak na paspasa met, met sa watung tar a kum dekdek na wasiso ri torom mot. Ikut met nurnur lena, mot mur a wakak na petutna ra i sot una taro ra o God i sa ulaun pas det.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

2 Pita 3:17

Ikut mot, a kum wakak na paspasang, mot sa tasman tar a kum utna ri. I mo ra mot in tumarong, sur gong a taro na lakai warkurai det ben raro mot nama nundet a kum etowo, sako mot in puku tagun a wakak na kinkinis ra uniri mot sa tur dekdek uni.

2 Pita 3:8

A kum wakak na paspasang, gong mot dumano ara utna ri: Umatan a Labino, ara bung i elar nam ara arip na kilalo, ma ara arip na kilalo i elar kut nam ara bung umatano.

A Pas anun o Jud 1:5

Mot sa tasman tar a kum utna ri, ikut a nemi sur an inanos melet mot lena: A Labino i ulaun pas a taro Israel tagitong o Ijip, ikut numur, i um doko ru det ra ka det nurnur.