2 Pita 2:21 - Nupela Testamen long tokples Kandas

²¹ Gunuk ra ka det in tasman a kisapi ina tokodos na petutna, in wakak torom det. Ikut uniri, in laulau doko torom det, uni det sa tasmani, ikut det rosumur melet gusun a warkurai anun o God, ra di sa pitar tari tandet.

2 Pita 2:21 ပူးပေါင်းရင်းမြစ်များ

Matiu 21:32

O Jon i wanpat ra i ususer mot una tokodos na petutna, ra ka mot nurnur uni, ikut a kum tene los takis ma a kum pamuk na ino det nurnur uni. Mot tama tar det ut, ikut ka mot nukpukus kai sur mot in nurnur uni.”

Luk 12:47

“Tu tultul ra i sa tasman tar a nemnem anun a labino anunu, ikut ke waninar, ma ke papam elar nami ra a anun a labino i nemi, din taktakalo dekdeki.

A Wakak na Wasiso un o Iesu Karisito o Jon i tumusi 15:22

“Ra gunuk kan nanpat ma kan wasiso torom det, ka din takun det una nundet a kum sakino petutna, ma det in langolango ut. Ikut uniri, katu wasiso anundet sur det in wasiso bat det nami gusun anundet a sakino petutna.

A Wakak na Wasiso un o Iesu Karisito o Jon i tumusi 9:41

I balu det lena, “Ra gunuk mot pulu, kataio in takun mot un tu sakino petutna. Ikut uniri mot watungi lena mot tamtama, ra anumot a sakino petutna kura ut un mot.”

A Pas anun o Pol torom a taro Rom 7:12

I mo ra dat tasmani lena, a Warkurai katu dur uni, ma a kum du wasiso na Warkurai rop katu dur un det, det tokodos, ma det wakak.

Galesia 6:2

Mot in warut etetalai mot una numot a kum mamaut. Ra mot pami lenri, mot pam sot pas a warkurai anun o Karisito.

1 Tesalonaika 4:2

Uni mot sa tasman a kum etowo ra metul sa ususer tar mot nami. A kum etowo ra, det wanpat ut tan a Labino o Iesu.

1 Timoti 6:14

Un mur a kum wasiso ri, ma gong u pam tu utna ra taio in takun ui uni, tuk una bung ra anundat a Labino o Iesu Karisito in nanpat melet.

Ibru 10:26

Ra dat sa tasman mulus a lingmulusino, ikut dat muri ut a nemnem anundat sur dat in pam a sakino petutna, katu etabor melet mo sur in unus ru a kum sakino petutna.

Jems 4:17

O naro ra i tasman a wakakino sur in pami, ikut ke pami, i pam a sakino petutna.

2 Pita 3:2

A nemi sur mot in nuk pas a kum wasiso ra a kum poropet anun o God det sa wasiso mugu taru uni, ma mot in nuk pasi kai a warkurai anun anundat a Labino ma a Tene Ulaun, ra a kum aposel det sa inanos tar mot nami.

A Pas anun o Jud 1:3

A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi.