2 Pita 2:19 - Nupela Testamen long tokples Kandas

¹⁹ Det liliman torom det lena, det in langolango, ikut det ut, ka det langolango, det tene ititula torom a kum dur na magirandet. Uni taio in tene ititula torom asau ra i labo doko una nun a nilaun.

2 Pita 2:19 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 8:34

O Iesu i balu det lena, “A inanos mot nama lingmulus, a taro rop ra det pam a sakino, det a kum tene ititula anun a sakino petutna.

Aposel 19:16

Ra a musano ra a laulau na nion kura uni, i sirok bat pas det, ra i um kinkidikin tar det ma i raros ru anundet a kum malu. Ra det kalabor pirso unago upiso nama kum kabo mengmengere mukut.

Galesia 5:1

O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

2 Timoti 2:26

Numur det in nuknuk wakak, ra det in pirso gusun in nukun anun o Satan, ra det sa iru taru uni, ma det ser muri.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.

1 Pita 2:16

Mot sa langolango, ikut gong mot langolango sur mot in pam a sakino. Mot in laun elar nami ra mot a kum tultul anun o God.

2 Pita 1:4

I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.

2 Pita 2:20

A taro ra det sa wan gisen gusun a kum dur na petutna tagun a rakrakon bual, uni det sa tasman o Iesu Karisito, anundat a Labino ma Tene Ulaun, ikut numur det puku unin nukun ina sakino petutna, ma a kum laulau na utna ra, i ker ukai melet det, anundet a kinkinis numur in laulau doko taun anundet a kinkinis numugu, ra ka det tasmani utmakai o Iesu Karisito.