2 Pita 2:18 - Nupela Testamen long tokples Kandas

¹⁸ Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

2 Pita 2:18 ပူးပေါင်းရင်းမြစ်များ

Aposel 2:40

Ma i utumarong det nama susut na wasiso kai, ma i udekdek det lena, “Mot in tumarong, ma mot in nan gisen gusun a sakino petutna anun a taro tagun uniri, sur gong mot los a warkurai na minabalu.”

Aposel 8:9

Ara musano tagitiro iai, a risano o Saimon. I ser sangsagor una susut na kilalo, ra a taro Samaria det ser kisin una kum utna ra i ser pami. Ma i warango pasi ut umatan a taro.

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

2 Tesalonaika 2:4

In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.

Jems 5:5

Una numot a nilaun nin una rakrakon bual, mot ukio a labino mani, una kum lukaro sur mot ut, ma un asau ra i ugasgas mot. Mot tabor butbut a pinimot, ra milau mo mot in iru, elar nama kum wewegua, ra di tabor butbut det sur din um doko det.

2 Pita 1:4

I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.

2 Pita 2:14

A kum bung rop, a matandet i tamtama kut sur tu ino anun taio o tu musano kai anun tu ino, sur det in pam a sakino tomo nami. Ka det mana gusun anundet a kum sakino petutna. Det ulam raro a taro ra ka det tur dekdek. Det lason doko una nemnem sur a susut na ululeng. Ikut, anundet a iniru i sa waninar.

2 Pita 2:2

A susut na taro det in mur a kum petutna na pamuk anun a kum torotoro na tene ususer, ra a taro gisen det in watung laulau a lingmulus na nurnur, i kibino una kum ngasino anun a kum torotoro na tene ususer.

2 Pita 2:20

A taro ra det sa wan gisen gusun a kum dur na petutna tagun a rakrakon bual, uni det sa tasman o Iesu Karisito, anundat a Labino ma Tene Ulaun, ikut numur det puku unin nukun ina sakino petutna, ma a kum laulau na utna ra, i ker ukai melet det, anundet a kinkinis numur in laulau doko taun anundet a kinkinis numugu, ra ka det tasmani utmakai o Iesu Karisito.

2 Pita 2:7

Ikut, i ulaun pas o Lot. I a tene tokodos, ra i los a labino maut una kum petutna na pamuk anun a taro na lakai warkurai.

2 Pita 3:17

Ikut mot, a kum wakak na paspasang, mot sa tasman tar a kum utna ri. I mo ra mot in tumarong, sur gong a taro na lakai warkurai det ben raro mot nama nundet a kum etowo, sako mot in puku tagun a wakak na kinkinis ra uniri mot sa tur dekdek uni.

A Pas anun o Jud 1:13

Det elar nama labino top ra i tapak, ma nundet a kum sakino petutna na maimai ra ka det maimai uni, i wanpat talapor elar nama busu na top. Ma det elar kai nama kum nangnang ra ka det kis una kinandet, det wan tuptupukus kut, ra o God i sa waninar tar a labino dumirum sur det, ma ken rop.

Tamtama 13:11

Numur a tama ara kuabor na wewegua bulung i burak pat una piso. Aru komino i elar nama kom ina barman na sipsip, ikut i wasiso elar namin labino sui.