2 Pita 2:12 - Nupela Testamen long tokples Kandas

¹² Ikut a kum torotoro na tene ususer ri, det elar nama kum kuabor na wewegua, ra ka det mananos, ma det muri kut a nemnem ina pinindet, ma di usus det kut sur din pam ukai det ma din um doko det. Det watung laulau i kut a kum utna ra ka det tasmani. Det in iru elar nama kum kuabor na wewegua.

2 Pita 2:12 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 7:22

a nemnem sur a susut na utna, a kum sakino petutna, a kum torotoro, a kum sakino nemnem na pinindi, a nuknuk laulau sur tu utna anun taio, a petutna ra di mang laulau ara, a petutna ra taio i ulabo pasi ut, ma a kum tuptup na petutna.

A Wakak na Wasiso un o Iesu Karisito o Jon i tumusi 8:21

O Iesu i watung meleti tan a taro lena, “An nan gusun mot, mot in sisio sur iau, ma mot in mat nam anumot a kum sakino petutna. A tamon ra an nan suri, ka mot in nan lar pas iai.”

Galesia 6:8

Osi ra i muri kut a kum sakino nemnem ina pinino, in pasong pas a minat tukum. Ma osi ra i mur a Tokodos na Nion, in pasong a nilaun tukum tan a Tokodos na Nion.

Kolosi 2:22

A kum warkurai ri i wasiso una kum utna ra dat papam pas nami, ra numur ka det gas mo un tu utna, uni a kum warkurai ri det wanpat tagun a kum etowo kut anun a taro.

2 Pita 1:4

I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.

2 Pita 2:19

Det liliman torom det lena, det in langolango, ikut det ut, ka det langolango, det tene ititula torom a kum dur na magirandet. Uni taio in tene ititula torom asau ra i labo doko una nun a nilaun.

A Pas anun o Jud 1:10

Ikut a taro ri det wasiso laulau una kum utna ra ka det talapor uni. Ma anundet a mananos i elar kut nama mananos anun a kum wewegua, ra det muri kut a nemnem ina pinindet. A utna ra, det in iru uni.