2 Pita 1:5 - Nupela Testamen long tokples Kandas

⁵ Iri a kibino ra mot in dekdek sur mot in palataun anumot a nurnur nama wakak na petutna. Ma mot in palataun a wakak na petutna nama mananos un o God.

2 Pita 1:5 ပူးပေါင်းရင်းမြစ်များ

Luk 16:26

Ma ara utna kai, in tarai nin nala kuri epotor tamot ma met. Katutaio taginin in pet lar pasi sur in nan utiro torom mot, ma katutaio kai in nan tagitiro gusun mot urin torom met.’

Luk 24:21

Ikut, met nurnur uni lena, i ra, in ulangolango a taro Israel. Ma ara utna kai, i sa tulu bung bat tar a kum utna ri det pami.

A Wakak na Wasiso un o Iesu Karisito o Jon i tumusi 6:27

Gong mot papam kut sur a utna na inangon ra i ser mereseng. Mot in papam sur a utna ra in kis tukum sur a nilaun kura numur, ra a Nutun a Musano in tabor mot nami. Uni o Tamano, o God i sa ese tari lena i mulaot un asau ra a Nutun a Musano i pami.”

1 Korin 14:20

A kum tistising, gong a nuknuki mot i elar nama kum nat liklik. Una sakino petutna i wakak sur mot in elar nama kum nat miso. Ikut, una nuknuki mot, mot in elar nama kum lamlabino.

Epeses 5:17

Lenra, gong mot laun elar nama kum longlong, mot in tasman a nemnem anun a Labino.

Pilipai 1:9

A wararing sur anumot a marmaris in labo ma in labo bing, ma a mananos ma a tastasman in lubung una numot a nilaun.

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

Kolosi 1:9

Iri a kibino ra, ka mir mana nama niaring sur mot, turpasi una bung ra mir longoro a wasiso un mot. Mir ser saring o God, sur in ubukus mot nama mananos sur mot in talapor una nun a nemnem, ma in ubukus mot nama mananos ma a wakak na nuknuk rop, ra a Niono i tabor mot nami.

Kolosi 2:3

A mananos rop, ma a wakak na ninunuk rop, det elar nama kum wakak na ululeng, ra det kis eno un o Karisito.

Ibru 11:6

Ra taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.

Ibru 12:15

Mot in tumarong, sako taio ken los a marmaris anun o God. Ma mot in tumarong, sako taio in elar namin mapak na wakakor na duwai ra in lubung pat ma in pitar a mamaut torom mot, ma in ban udur pas lako susut.

Ibru 6:11

Anumet a labino nemnem sur mot rop taktakai mot in dekdek una marmaris lenutra mot ser pami, tuk una ururopino. Mot in pami lenra, sur a kum utna ra mot kis langlang nama nurnur suri, in nanpat mulus ut torom mot.

1 Pita 3:7

Lenkutkai ra, mot a kum nolin na musano, mot in nem anumot a kum wardain una numot a kinkinis na nolin. Mot in pitar a urur torom det, uni a dekdekin det ke elar nama dekdeki mot. Det kai det in rakon a nilaun ra o God in pitari tamot. Mot in pami lenra, sur gong tu utna i turbat anumot a kum niaring.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,

2 Pita 1:11

ma o Iesu Karisito, anundat a Labino ma anundat a Tene Ulaun in ben ruk mot nama gasgas una nun a matanitu ra ken rop.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.