2 Pita 1:4 - Nupela Testamen long tokples Kandas

⁴ I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.

2 Pita 1:4 ပူးပေါင်းရင်းမြစ်များ

A Pas anun o Pol torom a taro Rom 9:4

Det a taro Israel, ra o God i ras pas det sur det a kum nutnutunu. I ese anun a minamar tandet, i pam a kum kunubus tomo nam det, i pitar tar a kum Warkurai tandet, i ese tar det una kisapi na lotu mulus, ma i uliliman tar det.

2 Korin 1:20

Uni o Karisito i pam sot pas a kum liliman rop anun o God. Ra un o Karisito kut, dat pet lar pasi sur dat in watungi lena, “Amen,” ma dat in watung ulabo pas o God uni.

2 Korin 3:18

Ma dat, ra ka di pulus bat a masarindat nam tu du malu, dat upuaso a minamar anun a Labino. Ma anundat a nilaun i tupukus nanan sur dat in elar nam o Karisito, ma anun a minamar i lubung una nundat a nilaun. A minamar ra, tan a Labino ut, i ra a Nion.

2 Korin 6:17

Ma a Labino i watungi kai lena, “Mot in pirso gusun det, ma mot in kis gisen gusun det. Ma gong mot patop una kum dur na petutna, ra iau an gas pas mot.” Ais 52:11

Galesia 3:16

Lenkutkai ra, o God i sa uliliman taru torom o Abaram ma torom o nutunu. O God awu sur i watungi lena, “torom a kum nutnutunu.” Gunuk ra in watungi torom a kum nutnutunu, a kukuraino ra a susut na taro. Ikut i watungi lenri, “torom o nutunu,” a kukuraino lena ara musano kut, i a Karisito.

Galesia 6:8

Osi ra i muri kut a kum sakino nemnem ina pinino, in pasong pas a minat tukum. Ma osi ra i mur a Tokodos na Nion, in pasong a nilaun tukum tan a Tokodos na Nion.

Epeses 4:13

Det in pami lenra tuk ra dat in takai kut una nurnur, ma dat rop dat in tasman wakak a Nutun o God, ma dat in nanpat a kum dekdek na tene nurnur. Dat in lubung tuk dat in bukus nama kudulano nilaun anun o Karisito.

Kolosi 3:10

ma mot sa emar pas nama matok na nilaun. A matok na nilaun ri, o God i ser umatoki, sur mot in elar nama malalarino, ma sur mot in tasman mulusi.

Ibru 12:10

A kum tamtaman dat taginin upiso det ukodos dat a nat na du bung kut, elar nama kisapi ra det nuki lena i wakak. Ikut, o God i ukodos dat sur dat in wakak, sur dat in talapor elar nami.

Ibru 9:15

I mo ra o Karisito i tur epotor tan o God ma a taro, ra i pam tar a matok na kunubus, sur in dat tomo tar det. I pami sur det, ra o God i sa kabo pas det, det in dan tukum elar nam anun a liliman. O Karisito i mat ra i kul pas det nama gapino. Anun a minat i ulangolango pas det gusun anundet a kum sakino petutna ra det ser pami utuntudu ina mugano kunubus.

Jems 1:27

Ikut, ra dat warut a kum nat na soi, ma a kum ula, ra det pot na marmaris, ma dat tumarong dat kai gusun a kum dur na petutna tagun a rakrakon bual, iri a lingmulus na lotu, ra i tokodos, ma katu utna i raro uni umatan o God a Tamandat.

2 Pita 1:1

Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun.

2 Pita 3:13

Ikut, dat kis langlang sur a utna ra o God i uliliman taru uni: a matok na langit ma a matok na rakrakon bual kai, ra a tokodos na petutna in kis uni.

2 Pita 3:9

A Labino ke wowowon sur in pam sot pas anun a liliman lena in milet melet, elar nam ara taro det nuki. Awu, i kis langlang pas mot, uni ke nemi sur taio in iru. I nemi sur a taro rop det in nukpukus.

1 Jon 2:25

Ma asau ra i uliliman tari sur in pitari tandat, i a nilaun tukum.

1 Jon 3:2

A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom.