2 Pita 1:19 - Nupela Testamen long tokples Kandas

¹⁹ A kum utna ra met tama i, i ulingmulus pas a wasiso anun a kum poropet torom dat, ma i wakak sur mot in longoro i. Uni a wasiso anun a kum poropet i elar nama lam ra i kunabor una dumirum, tuk una lar, ra in borodo in utalapor anumot a nilaun.

2 Pita 1:19 ပူးပေါင်းရင်းမြစ်များ

Matiu 4:16

A taro ra det kis una dumirum det sa tama a labino talapor, ma det ra a dumirum na minat i pulus bat det, a talapor i sa wanpat torom det.” Ais 9:1-2

A Wakak na Wasiso un o Iesu Karisito o Jon i tumusi 5:35

O Jon i elar nama lam, ra i kunabor ma i talapor, ma mot gas ra mot tamtama lilik pas kut una talaporino.

A Wakak na Wasiso un o Iesu Karisito o Jon i tumusi 5:39

Mot ser luki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau!

A Wakak na Wasiso un o Iesu Karisito o Jon i tumusi 8:12

O Iesu i wasiso melet torom a taro, ra i watungi lena, “Iau a talapor tagun a rakrakon bual. Osi ra i mur iau, in pam ukai a talapor na nilaun, ma ken nan melet una dumirum.”

Aposel 15:29

Gong mot wan tu utna ra di sa etabor taru nami torom a kum torotoro na god. Gong mot wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong mot pam a kum petutna na pamuk. Ra ka mot in pam a kum utna ri, in wakak torom mot. I kut ra, ma i rop. A marmaris torom mot.

Aposel 17:11

Det ri det wakak tandet tong o Tesalonaika, uni det rakon a wasiso ri nama gasgas, ma det luk wakak a kum wasiso tagun a Buk Tabu una kum bung rop, sur det in tama a wasiso anun o Pol, ra i lingmulus o awu.

Ibru 2:2

A kum wasiso ra numugu a kum ensel det wasiso talapor nami i tur sikot. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat.

Jems 2:8

Mot in pam sot pas a warkurai ra i labo sakit una Buk Tabu. I lenri, “Un nem o pasam elar nami ra u nem ui ut.” Wkp 19:18 Ra mot pami lenra, mot pam a tokodos na petutna.

1 Pita 1:10

A kum poropet tagun numugu det wasiso na poropet una pinapam anun o God ra in ulaun mot, elar nama etabor ra in tabor mot nami. Det sisio ma det tiktikin wakak suri.

1 Jon 5:10

Osi ra i nurnur una Nutun o God, i sa utur ukai a wasiso talapor anun o God unin balano. Ikut osi ra ke nurnur una wasiso talapor anun o God, i nuki lena o God a tene torotoro, uni ke nurnur una wasiso talapor anun o God un o Nutunu.

3 Jon 1:6

Ma ara taro tagun det, det wanpat nin, det wasiso puaso torom a taro na lotu una num a marmaris. I wakak ra un warut det nam lako kum utna una nundet a inawan. A petutna ra, o God i gas uni.

Tamtama 2:28

Ma an tabori kai namin borodo.

Tamtama 22:16

“Iau o Iesu, a tulu ru anung a ensel sur in pitar a wasiso talapor ri torom mot a taro na lotu una kum tamon. Iau in wakakorin o Dewid ma a tubunu, ma in borodo ra i talapor doko.”