2 Pita 1:16 - Nupela Testamen long tokples Kandas

¹⁶ Ra met inanos mot una dekdek in anundat a Labino o Iesu Karisito, ma anun a inawan pat melet, awu sur met saksakutna oros kut nama kum saksakutna ra met nuk pas det kut, awu. Met ut met sa tama tar anun a minamar nama matmata met.

2 Pita 1:16 ပူးပေါင်းရင်းမြစ်များ

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 16:28

A inanos mot nama lingmulus, lako taro tagun mot ri mot tur nin, ka mot in mat utmakai, ra mot in tama a Nutun a Musano in nanpat tomo nam anun a matanitu.”

Matiu 17:1

Numur tan a wonom na bung, o Iesu i ben pas o Pita, o Jems ma o Jon, i ra a tisin o Jems, ra i ben gisen pas detul usapat una tangai ra i tur toto bing.

Matiu 24:27

Uni una bung na inawan pat anun a Nutun a Musano, a taro rop det in tama i. In elar namin nememe, ra i meme i tagitong una matmatano tobar, tuk una matmatano lubur.

Matiu 24:3

Ra o Iesu i kis sapat netes una Tangai na Oliw, a kum nat na ususer det wanpat eno toromi, ma det watungi tano lena, “Un inanos met, nangisin mo a kum utna ri in nanpat? Ma asi na ukinalong ra in ese anum a milmilet ma a ururop ina rakrakon bual?”

Matiu 28:18

O Iesu i wan milau det, ma i watungi tandet lena, “O God i sa pitar rop tar a warkurai tang, sur an warkurai sur a kum utna rop sapat una langit ma nin kai upiso.

A Wakak na Wasiso un o Iesu Karisito o Mak i tumusi 13:26

“Una bung ra, a taro det in tama a Nutun a Musano in nanpat una kum du bakut nama labino dekdek ma a minamar.

A Wakak na Wasiso un o Iesu Karisito o Mak i tumusi 14:62

Ra o Iesu i watungi lena, “Iau ut ra. Ra numur mot in tama a Nutun a Musano in kis una papor sot na laman o God, i ra i dekdek sakit, ma mot in tama i ra in nanpat una kum du bakut tagisapat una langit.”

Luk 1:2

A taro ra det sa tama tar a kum utna ri numugu, ma det ser ususer a taro una Wakak na Wasiso, det ut det inanos met una kum utna ri.

Luk 9:43

Ma det rop det kisin una dekdekin o God. Ra det kisin utmakai una kum utna ra o Iesu i sa pam tari, i watungi tan anun a kum nat na ususer lena,

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Wakak na Wasiso un o Iesu Karisito o Jon i tumusi 17:2

U pitar tar a dekdek tang sur an warkurai sur a taro rop, sur an pitar a nilaun tukum torom det rop ra u pitar tar det tang.

A Pas anun o Pol torom a taro Rom 1:4

Ma una nun a katkatutur melet gusun a minat, a Tokodos na Nion i ese i lena, i a Nutun o God ma i dekdek. I ut o Iesu Karisito anundat a Labino.

1 Korin 1:17

Uni o Karisito ke tulu iau sur an baptaiso, awu. I tulu iau sur an warawai nama Wakak na Wasiso. Ma awu sur an warawai nama wasiso na mananos anun a taro, surko in lakro ru a dekdekin in nanai kutus anun o Karisito ra in utna oros kut.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

1 Korin 1:7

I mo ra ka mot in sibo sur tu etabor anun a Tokodos na Nion torom mot, ra mot ser kis langlang nama gasgas sur anundat a Labino o Iesu Karisito ra in nanpat puaso.

1 Korin 2:1

A kum tistising, ra a wanpat torom mot nama wasiso talapor un o God, ka wasiso nama ngas na wasiso ra a ulabo pas iau nami, ma ka wasiso nama ngas na wasiso ra a kum tene mananos det ser wasiso nami.

1 Korin 2:4

Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso,

1 Korin 5:4

Ra mot in nanpat tomo una risan anundat a Labino o Iesu, ma an kis tomo ut nam mot una niong, ma a dekdekin a Labino o Iesu kai in kis tomo nam mot,

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

Pilipai 3:21

In pukus pas a pinindat ra ke dekdek, sur in elar nama pinino ra i bukus nama minamar. In pukusi nama dekdekino. A dekdekino ra i papam nami sur in ubek tar a kum utna rop utuntudu in anun a warkurai.

1 Tesalonaika 2:19

Metul nem doko i sur metul in tama melet mot, uni metul nurnur un mot lena, mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano.

2 Tesalonaika 2:9

A tene lakai warkurai in nanpat nama dekdekin o Satan, ma in ese a kum ngas na torotoro na dekdek, ma a kum torotoro na ukinalong ma a kum torotoro na utna na ukisin.

1 Timoti 1:4

Ma gong det balon una kum etowo ororos kut, ma a kum utatos, ra katu ururopino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur.

1 Timoti 4:7

Un nan gisen gusun a kum saksakutna ororos, ma a wasiso ra ke warut ui una nilaun torom o God. Un ulason ui sur a magiram in wakak umatan o God.

Taitus 1:14

ma gong mo det mur a kum etowo oros kut anun a taro Juda, ma a kum warkurai anun a taro ra ka det nem a lingmulusino.

2 Pita 2:3

Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.

1 Jon 4:14

O Tamano i pitar ru o Nutunu sur in Tene Ulaun anun a rakrakon bual, ra met, met sa tama tari, ma met wasiso talapor uni.

A Pas anun o Jud 1:14

Ma o Enok kai, a wonom mawit na kabotaro tagun o Adam, i sa watung tar a wasiso na poropet un det lena, “Tama i, a Labino in nanpat nam anun a ariparip na tasur na ensel,

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.