2 Pita 1:15 - Nupela Testamen long tokples Kandas

¹⁵ A lingmulus, an dekdek sur an unuk tar mot una kum utna ri, sur mot in nuk ukai det ra a sa mat.

2 Pita 1:15 ပူးပေါင်းရင်းမြစ်များ

Luk 12:58

Ra anum a ebar in ben pas ui sur a warkurai, un dekdek sur mur in emarom mugu ra mur wan nanan utmakai una kisapi, sako in dat pas ui torom a tene warkurai. Ra a tene warkurai in pitar tar ui torom a polis, ma a polis in uruk tar ui una karabus.

Luk 9:31

Der wanpat nama minamar, ma detul wasiso una minat anun o Iesu, ra in etoromi sapat o Jerusalem, sur in pam sot pas a nemnem anun o God.

2 Tesalonaika 2:5

Ra a kis tomo nam mot, a ser inanos mot nama kum utna ri. Pepetlai, ka mot nuk melet pasi mo?

2 Timoti 2:2

A kum etowo ra u sa longoro pasi tang umatan a susut na taro, un ususer lako taro nami. A taro ra u nurnur un det lena det in pet lar pasi sur det in ususer lako taro kai nami.

Ibru 11:4

Una nun a nurnur, o Abel i pitar tar a etabor torom o God ra i wakak sakit taun a etabor anun o Kain. Kibino una nun a nurnur, o God i nem anun a etabor, ra i wasiso puaso un o Abel lena i a tene tokodos. A lingmulus o Abel i sa mat, ikut, kibino una nun a nurnur, kuri utmakai i wasiso torom dat.

2 Pita 1:12

Mot sa tasman a kum utna ri, ma mot sa tur dekdek una lingmulus na etowo ra mot sa los pasi, ikut i wakak ra an unuk tar mot melet nami.