2 Pita 1:11 - Nupela Testamen long tokples Kandas

¹¹ ma o Iesu Karisito, anundat a Labino ma anundat a Tene Ulaun in ben ruk mot nama gasgas una nun a matanitu ra ken rop.

2 Pita 1:11 ပူးပေါင်းရင်းမြစ်များ

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

A Wakak na Wasiso un o Iesu Karisito o Jon i tumusi 10:10

A tene wolong i ruk kut sur in wolong, ma in um doko a kum sipsip ma in ban laulau det. Ikut iau, a wanpat sur det in utur ukai a nilaun, a nilaun ra i bukus nama wakakino.

A Pas anun o Pol torom a taro Rom 2:4

I sa ese anun a wakak na petutna ra i bukus torom mot, ma ke warkurai lakit mot una numot a kum sakino petutna, ma a pinino ke ngoro lakit nam mot. Pepetlai, mot nuk penpen kut una nun a kum wakak na petutna ra? Pepetlai, ka mot tasmani lena, i maris mot lenri sur mot in nukpukus?

1 Korin 15:24

Numur, a ururop ina rakrakon bual in nanpat, ra o Karisito in kamar ru a kum sakino nion rop lenri, det ra a kum mugumugu, det ra det utur ukai a warkurai ma det ra det tur nama dekdek. Ma in pitar tar a matanitu torom o God o Tamano.

2 Korin 5:1

A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum.

Epeses 3:20

Dat in rakon lekeleke pas o God, o naro ra i dekdek, ma i pet lari sur in pam a utna ra i labo sakit taun a kum utna rop ra dat sasaring suri, ma dat nuki. Ma i papam nama dekdekino una nundat a nilaun.

1 Timoti 6:17

Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami.

2 Timoti 4:18

A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Ibru 6:17

Ma o God kai, i udekdek anun a liliman nama risano ut, sur in upuaso i torom anun a taro, det ra i uliliman tar det, lena ken pukusi melet a nuknukino.

2 Pita 1:1

Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun.

2 Pita 1:5

Iri a kibino ra mot in dekdek sur mot in palataun anumot a nurnur nama wakak na petutna. Ma mot in palataun a wakak na petutna nama mananos un o God.

2 Pita 2:20

A taro ra det sa wan gisen gusun a kum dur na petutna tagun a rakrakon bual, uni det sa tasman o Iesu Karisito, anundat a Labino ma Tene Ulaun, ikut numur det puku unin nukun ina sakino petutna, ma a kum laulau na utna ra, i ker ukai melet det, anundet a kinkinis numur in laulau doko taun anundet a kinkinis numugu, ra ka det tasmani utmakai o Iesu Karisito.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.

Tamtama 5:10

U ubek tar det sur det in warkurai tomo nam ui una num a matanitu, ma sur det a kum tene etabor torom anundat a God, ma det in warkurai nin una rakrakon bual.”