2 Korin 9:6 - Nupela Testamen long tokples Kandas

⁶ Mot in nuk pasi, osi ra i marut a lilik, in pasong pasi utkai a lilik. Ma osi ra i marut a susut, in pasong pasi utkai a susut.

2 Korin 9:6 ပူးပေါင်းရင်းမြစ်များ

Luk 6:38

Mot in etabor, ma o God in tabor mot. Ikut a etabor anun o God torom mot in labo doko, ma din sogori, ma in bukus melet, ma in tilingis. Uni asi na ngas na etabor ra mot pitari, i labo o i natino, i kut kai ra o God in pitar meleti torom mot.”

1 Korin 1:12

An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”

1 Korin 15:20

Ikut i lingmulus, o God i sa ukatutur melet o Karisito gusun a minat. I a mugano musano ra i katutur melet gusun a minat, ma i ese i lena numur a kum minat kai det in katutur melet.

1 Korin 7:29

A kum tistising, a watungi lenri, a du bung i sa milau. Turpasi uniri, a kum musano ra det nolin, det in laun lari ra ka det nolin.

2 Korin 9:10

O God in tabor mot nama kum utna sur mot in pam a wakak na pinapam nami, elar nami ra i ser tabor a taro nama utna ra det in maruti ma a utna kai ra det in nani. Ma numur mot in pasong a susut na utna tagun anumot a tokodos na petutna.

2 Korin 9:5

Iri a kibino ra an tulu mugu ru a tulu musano ri utiro, ma detul in warut mot sur mot in waninar a etabor ra mot sa liliman taru sur mot in pitari. Ra mot sa waninar mugu tar anumot a etabor, in elar ut nama etabor mulus, ma ken elar nama utna ra di ungongos pasi kut gusun mot.

Galesia 3:17

Iri a kukurai ina nung a wasiso: O God i uliliman mugu taru torom o Abaram, nama kum utna ra in pam sot pasi ut. A kum Warkurai, ra det wanpat a wat na mar ma tulu noino kilalo numur, ka det pukus lar pas a liliman anun o God torom o Abaram.

Galesia 5:16

Ra uniri, an watungi torom mot lena: Ra mot in mur a Tokodos na Nion, ka mot in mur a kum sakino nemnem ina pinimot.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

Kolosi 2:4

A watungi lenri torom mot, sur gong taio i toro pas mot nam tu namnamin na wasiso.

Ibru 6:10

O God ke ser pam tu utna ra ke tokodos. Ken dumano anumot a pinapam ma anumot a marmaris ra mot ese i toromi una numot a warut torom anun a taro ra mot sa pam tari ma mot pami utmakai.