2 Korin 9:10 - Nupela Testamen long tokples Kandas

¹⁰ O God in tabor mot nama kum utna sur mot in pam a wakak na pinapam nami, elar nami ra i ser tabor a taro nama utna ra det in maruti ma a utna kai ra det in nani. Ma numur mot in pasong a susut na utna tagun anumot a tokodos na petutna.

2 Korin 9:10 ပူးပေါင်းရင်းမြစ်များ

Matiu 6:1

“Mot in tumarong mot sur gong mot pam anumot a wakak na pinapam umatan a taro kut, sur det in tama i ma det in watung ulabo pas mot. Ra mot pami lenra, katu ikul anumot tan a Tamamot ra i kis sapat una langit.

2 Korin 9:12

A pinapam na warut ri mot pami, ke waruti kut a taro anun o God nama utna ra det sibo suri, i pam pati utkai a watung wakak torom o God tan a susut na taro.

2 Korin 9:6

Mot in nuk pasi, osi ra i marut a lilik, in pasong pasi utkai a lilik. Ma osi ra i marut a susut, in pasong pasi utkai a susut.

Galesia 3:5

Pepetlai, o God i tabor mot nama Tokodos na Nion ma i pam a kum utna na ukisin epotor tamot, uni mot mur a kum Warkurai anun a taro Juda, o uni mot nurnur una Wakak na Wasiso ra mot sa longoro i?

Epeses 5:9

Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Pilipai 4:17

Awu sur anumot a etabor ra a ling suri. A nemi kut sur mot in los a ikul kura numur una numot a wakak na pinapam ra.

1 Tesalonaika 3:12

Ma metul wararing kai sur a Labino in ulabo anumot a marmaris, ma in bukus ma in tilingis epotor tamot ma torom a taro gisen kai, elar nama numetul a marmaris kai torom mot.

1 Tesalonaika 4:10

A lingmulus ut, mot nem a kum tistisi mot rop tiro una papor Masedonia rop. Ikut, metul saring mot sur anumot a marmaris in lubung dekdek ut.