2 Korin 8:8 - Nupela Testamen long tokples Kandas

⁸ Ka watung a utna ri sur in elar nama warkurai torom mot. Ikut, a inanos mot una taro Masedonia, ma una nundet a labino gasgas sur det in etabor, sur an lar anumot a marmaris lena, i lingmulus o awu.

2 Korin 8:8 ပူးပေါင်းရင်းမြစ်များ

A Pas anun o Pol torom a taro Rom 12:9

In wakak ra anumot a marmaris torom a taro in lingmulus. Mot in nget a sakino, ma mot in pam ukai a kum petutna ra i wakak.

1 Korin 7:12

A watungi torom a ramano taro kai. Awu sur a Labino i watungi, iau ut a watungi lenri: Ra tu tisindat una nurnur, anun a ino awu sur a tene nurnur, ma a ino ra i nemi sur der in kis tomo, gong a tisindat ra i lu ru i.

1 Korin 7:25

A Labino ke pitar tu warkurai torom iau un det ra ka det nolin. Ikut an inanos mot una nuknuking. Iau a ngas na musano ra a taro det nurnur un iau, uni a Labino i maris doko iau.

1 Korin 7:6

A watung a wasiso ri torom mot sur in warut mot, awu sur sur in elar nama warkurai torom mot.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

2 Korin 8:10

An inanos mot nama nuknuking una utna ri: I wakak sur mot in pam rop ru a pinapam na etabor ra mot turpasi una kilalo ra i rop. Mot a mugano taro ra mot nemi sur mot in etabor, ma mot a mugano taro kai ra mot turpas a etabor.

2 Korin 8:24

I mo ra mot in ese anumot a marmaris torom detul, sur a taro na lotu una kum tamon gisen det in tama lele a kibino ra met warango mot.

2 Korin 9:2

Uni a sa tasmani lena, mot gas sur mot in pam a pinapam ri. A warango mot, ra mot kis tiro una papor Akaia, torom a taro tong una papor Masedonia. Ra a inanos det lena, una kilalo ra i rop, mot sa waninar sur mot in pitar ru anumot a mani. Ma anumot a gasgas sur a etabor, i ukatutur a nuknukin a susut na taro Masedonia sur det kai, det in etabor.

2 Korin 9:7

Mot taktakai, mot in pitari kut a utna ra mot sa nuki lena, mot nem na pitari. Ma gong mot pitar a utna ra ka mot gas sur mot in pitari, ma gong mot etabor uni di ungongos tar mot kut. Uni o God i nem det ra det etabor nama gasgas.

Epeses 4:15

Ikut, dat in watung a lingmulus na wasiso tomo nama marmaris. Ra dat in pami lenra, dat in lubung una kum utna rop sur dat in elar nam o Karisito, i ra in lorindat.

Epeses 6:24

A marmaris torom det rop ra det nem anundat a Labino o Iesu Karisito nama marmaris ra ken rop.

Ibru 10:24

Dat in nuknuk sur lako kum kisapi sur dat in wangun etalai a nuknukin dat sur dat in nem a taro ma dat in pam a kum wakak na pinapam.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.