2 Korin 8:21 - Nupela Testamen long tokples Kandas

²¹ I mo ra met dekdek sur met in pam asau ra i tokodos, awu sur umatan a Labino kut, umatan a taro utkai.

2 Korin 8:21 ပူးပေါင်းရင်းမြစ်များ

Matiu 23:5

Anundet a kum pinapam rop, det pami kut, sur a taro det in tama det. I perere bing anundet a kum boks liklik ra det ser uruk tar a kum du Buk Tabu uni ma det keri una kum masarindet. I walos bing anundet a kum kulo ra kura una sinisir ina nundet a kum malu na niaring.

Matiu 5:16

Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

Matiu 6:1

“Mot in tumarong mot sur gong mot pam anumot a wakak na pinapam umatan a taro kut, sur det in tama i ma det in watung ulabo pas mot. Ra mot pami lenra, katu ikul anumot tan a Tamamot ra i kis sapat una langit.

Matiu 6:4

Ra u pami lenra, o Tamam ra i tama a utna ra u pam eno i, in pitar a ikul tam.

A Pas anun o Pol torom a taro Rom 12:17

Gong mot balu a laulau ino nama laulau ino. Mot in nuknuk wakak sur mot in pam a petutna ra a taro det in tama lele i lena i tokodos.

A Pas anun o Pol torom a taro Rom 14:18

Ma osi ra in mur a kum petutna ri una nun a pinapam torom o Karisito, o God in gas nami, ma a taro kai det in tama lele i lena anun a petutna i tokodos.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

2 Korin 8:20

Ka met nemi sur taio in takun met una numet a pinapam ra met in nan nama labino etabor ri.

2 Korin 8:22

Ma met in tulu ru i kai ara tisimet una nurnur tomo nam der. Met sa lar tari a susut na dino, ma met tasmani lena, i ser gas sur a pinapam. Ra uniri, i nem doko i sur in warut una pinapam ri, uni i nurnur un mot.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

1 Tesalonaika 5:22

Ma mot in nan gisen gusun a kum sakino rop.

1 Timoti 3:7

I wakak sur a mugumugu i a ngas na musano ra a taro kai ra ka det ser lotu, det ser ru i. Ra awu, det in watung suri una nun a kum sakino petutna, ma in iru unin nukun anun o Satan.

1 Timoti 5:14

A nemi sur a kum ula, ra det dekdek utmakai, det in nolin melet, det in usus melet, ma det in tamtamabat anundet a kum rumu, sur gong det pam tu utna ra anundat a kum ebar det in watung laulau dat uni.

1 Pita 2:12

Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.