2 Korin 8:19 - Nupela Testamen long tokples Kandas

¹⁹ Det ut, det pilok tari sur met in nan tomo usapat o Jerusalem, sur met in los ru a mani na etabor. Met in pam a pinapam ri, sur met in ulabo pas a Labino, ma sur met in ese i lena, met nem na warut a taro na lotu sapat o Jerusalem.

2 Korin 8:19 ပူးပေါင်းရင်းမြစ်များ

Aposel 14:23

Der pilok pas a ramano taro sur det a kum mugumugu anun a taro na lotu, una tulu tamon taktakai. Der wararing ma der wewel, ra der pitar tar det torom a Labino, o naro ra det nurnur uni.

Aposel 15:22

A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

Aposel 15:25

Uniri met sa wasiso tomo pas, ma met rop met mulaot sur met in pilok pas lako ru musano, sur met in tulu der torom mot. Der in nan tomo nama ru wakak na paspasa met, o Banabas ma o Pol,

Aposel 19:22

I tulu mugu ru o Timoti ma o Erastus, aru tagun det ra det ser waruti, utong o Masedonia, ma i ut, i kis melet pas ut munung tong una papor Asia.

Aposel 19:29

Ma a taro rop tagun a tamon ra det purpuruon. Det kalabor ma det pam ukai pas o Gaius ma o Aristakus, aru te Masedonia ra detul wan tomo nam o Pol, ma det ruk nam der una nundet a labino rumu na kiwung.

A Pas anun o Pol torom a taro Rom 5:11

Awu sur i kut ra. Uniri dat gas utkai tomo nam o God, kibino ut una nundat a Labino o Iesu Karisito, ra i umarom tomo tar dat nam o God.

A Pas anun o Pol torom a taro Rom 5:3

Ma awu sur i kut ra dat gas suri, dat gas utkai una kum mamaut ra dat taramo i, uni dat tasmani lena a kum mamaut i pam pat anundat a tuntunur dekdek.

2 Korin 4:15

A kum mamaut ra met barato i, det wanpat sur in uwakak mot. Ra a marmaris anun o God i wan sarara torom a taro, a susut na taro det in watung wakak torom o God, ma det in watung ulabo pasi.

2 Korin 8:11

I wakak sur uniri anumot a nemnem sur mot in pam rop ru i, in elar nama labino nemnem ra mot taramo i ra mot turpasi. Mot in etabor elar nama dekdeki mot.

2 Korin 8:12

Ra mot gasgas sur mot in etabor, o God in gas uni. O God i nemi sur mot in etabor tagun a utna ra mot utur ukai i, awu sur tagun a utna ra ka mot utur ukai i.

2 Korin 8:20

Ka met nemi sur taio in takun met una numet a pinapam ra met in nan nama labino etabor ri.

2 Korin 9:2

Uni a sa tasmani lena, mot gas sur mot in pam a pinapam ri. A warango mot, ra mot kis tiro una papor Akaia, torom a taro tong una papor Masedonia. Ra a inanos det lena, una kilalo ra i rop, mot sa waninar sur mot in pitar ru anumot a mani. Ma anumot a gasgas sur a etabor, i ukatutur a nuknukin a susut na taro Masedonia sur det kai, det in etabor.

2 Korin 9:8

O God i pet lar pasi sur in tabor mot nama kum utna rop ra mot sibo suri, ma in tabor mot nama utna ra i susut taun a utna ra mot sibo suri. Ma una kum bung rop, mot in utur ukai a kum utna kai, sur mot in pam a kum wakak na pinapam nami.