2 Korin 8:10 - Nupela Testamen long tokples Kandas

¹⁰ An inanos mot nama nuknuking una utna ri: I wakak sur mot in pam rop ru a pinapam na etabor ra mot turpasi una kilalo ra i rop. Mot a mugano taro ra mot nemi sur mot in etabor, ma mot a mugano taro kai ra mot turpas a etabor.

2 Korin 8:10 ပူးပေါင်းရင်းမြစ်များ

Matiu 10:42

Osi ra in tabor anung tu nat na ususer, ra ke sot umatan a taro, nam lakalik kotokoto na danim, uni i tasmani lena, i anung a nat na ususer, a inanos mot nama lingmulus, i kai in losi ut anun a ikul.”

A Wakak na Wasiso un o Iesu Karisito o Jon i tumusi 11:50

Ka mot tasmani lena in wakak torom mot ra taio in mat bat a taro, sur gong dat a taro Juda rop dat iru.”

A Wakak na Wasiso un o Iesu Karisito o Jon i tumusi 16:7

A inanos mot nama lingmulus lena, in wakak torom mot ra an nan. Gunuk ra kan nan, a Tene Warut ken nanpat torom mot. Ikut ra an nan, an tulu ru i urin torom mot.

A Wakak na Wasiso un o Iesu Karisito o Jon i tumusi 18:14

O Kaiapas, i ra i watungi torom a kum te Juda lena, in wakak ra taio in mat bat a taro rop.

1 Korin 10:23

Sako taio in watungi lena, “A kum utna rop i wakak kut sur dat in pami,” ikut, awu sur a kum utna rop in warut dat. “A kum utna rop i wakak kut sur dat in pami,” ikut, awu sur a kum utna rop in udekdek dat.

1 Korin 16:2

Una kum mugano bung una rara wik, mot rop taktakai mot in ubek gisen ru tu mani tagun anumot a mani. Det ra det pam pat a labino mani det in pitar a labino, ma det ra det pam pat a natino det in pitar a natino. Mot in ulengi, sako ra an nanpat, mot in woro tomo i maragom a mani.

1 Korin 6:12

Sako taio in watungi lenri, “A kum utna rop i wakak kut sur an pami.” Ikut awu sur a kum utna rop in waruti. “A kum utna rop i wakak kut sur an pami,” ikut kan madek pas tu utna sur an kis utuntudu ina dekdekino.

1 Korin 7:25

A Labino ke pitar tu warkurai torom iau un det ra ka det nolin. Ikut an inanos mot una nuknuking. Iau a ngas na musano ra a taro det nurnur un iau, uni a Labino i maris doko iau.

1 Korin 7:40

Ikut a ino ra, in gas doko ra in kis kut lenra, ma ken nolin melet. Iri a nuknuking, ma a nuki lena a Nion o God i kis un iau kai.

2 Korin 12:1

Ra an warango pas iau ut, anung a wasiso ke gas un tu utna, ikut an warango pas iau ut una ramano kum tamtama ma a kum ririon ra a Labino ut i sa utamtama tar iau uni.

2 Korin 8:6

I mo ra met saring o Taitus sur in warut mot sur mot in pam sot pas a pinapam na etabor ri, uni i ut i warut mot ra mot turpas a pinapam na etabor ri.

2 Korin 8:8

Ka watung a utna ri sur in elar nama warkurai torom mot. Ikut, a inanos mot una taro Masedonia, ma una nundet a labino gasgas sur det in etabor, sur an lar anumot a marmaris lena, i lingmulus o awu.

2 Korin 9:2

Uni a sa tasmani lena, mot gas sur mot in pam a pinapam ri. A warango mot, ra mot kis tiro una papor Akaia, torom a taro tong una papor Masedonia. Ra a inanos det lena, una kilalo ra i rop, mot sa waninar sur mot in pitar ru anumot a mani. Ma anumot a gasgas sur a etabor, i ukatutur a nuknukin a susut na taro Masedonia sur det kai, det in etabor.

Pilipai 4:17

Awu sur anumot a etabor ra a ling suri. A nemi kut sur mot in los a ikul kura numur una numot a wakak na pinapam ra.

Ibru 13:16

Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.