2 Korin 6:8 - Nupela Testamen long tokples Kandas

⁸ Ara taro det ru met, ma ara taro awu. Ara taro det watung laulau met, ma ara taro det watung ulabo pas met. Ara taro det nuki lena, met a kum tene torotoro, ikut met watung a lingmulusino.

2 Korin 6:8 ပူးပေါင်းရင်းမြစ်များ

Matiu 10:25

I topasi sur a nat na ususer in elar kut nam anun a tene ususer ma a tultul in elar nam anun a labino. Ra di sa watung iau nam o Belsebul, mot kai ra mot kis tomo nam iau, din watung mot nama kum rising i sakino taun a rising ri.

Matiu 22:16

Det tulu ru anundet a kum nat na ususer tomo nama kum paspasan o Erod torom o Iesu, ma det watungi lena, “Tene Ususer, met tasmani lena ui a tokodos na musano, ma u ser ususer a taro una kisapi anun o God nama lingmulus. Ko nuknuk bing un asau ra a taro det watungi un ui, uni a magiram i takai kut torom a taro rop.

Matiu 27:63

Det watungi tano lena, “Labino, met nuk pas a wasiso anun a tene torotoro ri. Ra i laun utmakai, i watungi lena, ra a tulu bung in rop, in laun pat melet.

A Wakak na Wasiso un o Iesu Karisito o Mak i tumusi 12:14

Ra det wanpat toromi, det watungi lena, “Tene Ususer, met tasmani lena ui a tokodos na musano. Ko nuknuk bing un asau ra a taro det watungi un ui, uni a magiram i takai kut torom a taro rop, ma u ser ususer det una kisapi anun o God nama lingmulus. Pepetlai, i tokodos sur din pitar a takis torom a Sisa o awu?

A Wakak na Wasiso un o Iesu Karisito o Jon i tumusi 7:12

A susut na taro det wasiso eno un o Iesu. Ara taro det watungi uni lena, “I ara wakak na musano,” ma ara taro kai det watungi lena, “Awu, i ben raro a taro.”

Aposel 10:22

Detul balu i lena, “O Konelias, a mugumugu anun ara mar na taro na inaim i tulu ru metul. O Konelias i ara tene tokodos ma a tene urur un o God, ma a taro Juda rop det ru i. A ensel anun o God i inanos tari lena, in itula pas ui utong una nun a rumu, sur in longoro anum tu wasiso.”

Aposel 16:39

Ra det wan, det upuaso anundet a niraro torom der, ma det ben pirso pas der gusun a karabus. Ra det sa ben pirso pas der, det saring der sur der in nan gisen gusun anundet a tamon.

Aposel 22:12

“Ara musano, a risano o Ananias, i ara lingmulus na tene lotu ra i ser mur a kum Warkurai anun o Moses, ma a taro Juda rop ra det kis tiro iai, det ser ru i. I wanpat torom iau,

Aposel 24:5

“Met tama i lena a musano ri a tene pam purpuruon, i ser turpas a kum purpuruon epotor torom a taro Juda una rakrakon bual rop. Ma i a mugumugu tagun ara torotoro na lotu di watungi nama lotu Nasaret.

Aposel 28:22

Met nemi sur met in longoro a nuknukim, uni met sa tasmani lena, una kum tamon rop di watung laulau a matok na lotu ri.”

Aposel 4:21

Ra det sa turbat dekdek tar der, det palos ru der. Ka det sio lar pas tu utna ra det in um der uni, uni a taro rop det watung ulabo pas o God una utna na ukisin ra der sa pam tari.

Aposel 5:13

A taro gisen det ngara sur det in kis tomo nam det, ikut ka det watung laulau det, det urur un det.

Aposel 6:3

A kum tistisi met, mot in pilok pas lako wonom mawit na wakak na musano tagun mot, det ra det mananos ma det bukus nama Tokodos na Nion, sur met in pitar tar a pinapam na etabor ri torom det.

A Pas anun o Pol torom a taro Rom 3:8

Ara taro det watung laulau met, ma det takun met lena, met ususer a taro lenri, “Dat in pam a sakino sur a wakakino in nanpat talapor.” Ikut awu, ke lingmulus. Det ra det watung a wasiso ra, i sot sur det in iru una warkurai anun o God.

2 Korin 1:18

O God i lingmulus, lenkutkai ra anumet a wasiso i lingmulus. Ra met mulaot, a kukuraino lena, met in pam sot pasi.

2 Korin 11:21

A maimai doko ra an watungi lena, met ut kalako dekdeki met sur met in pam a kum petutna ri torom mot! A kum utna ra det warango pas det uni, iau kai, a pet lar pasi sur an warango pas iau ut uni. A wasiso elar nama longlong.

2 Korin 12:16

Mot sa tasmani lena ka saring pas tu mani gusun mot. Ikut, sako taio tagun mot in watungi lena, iau a tene mananos ma a sa toro pas tu utna gusun mot.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

1 Tesalonaika 2:3

Ra metul saring mot sur mot in nukpukus, awu sur anumetul a wasiso i raro, awu sur kai metul wasiso nam tu sakino nuknuk, ma awu sur metul toro pas mot.

1 Timoti 3:7

I wakak sur a mugumugu i a ngas na musano ra a taro kai ra ka det ser lotu, det ser ru i. Ra awu, det in watung suri una nun a kum sakino petutna, ma in iru unin nukun anun o Satan.

1 Timoti 4:10

I mo ri dat papam dekdek, uni dat kis langlang nama nurnur sur o God, ra i laun, ma a Tene Ulaun anun a taro rop, ra det nurnur uni.

Ibru 13:13

I wakak sur dat in nan toromi kunago upiso utamon, ma dat in taramo a maimai tomo nami.

1 Pita 4:14

Ra di watung laulau mot uni mot tagun o Karisito, mot dan. Uni a Nion o God, a Nion na minamar, i kis tomo nam mot.

3 Jon 1:12

A taro rop det watungi un o Dimitrius lena, i ara wakak na musano. A magirano ra i mur a lingmulusino i ese i kai lena i ara wakak na musano. Met kai met wasiso talapor uni, ma u tasmani lena, anumet a kum wasiso i lingmulus.

Tamtama 3:9

Det ra tagun o Satan det watungi lena det a kum te Juda, ikut awu, det a kum tene torotoro. An warkurai det sur det in nan torom mot ma det in puku nisan a kum kikimot, ma det in watung puaso i lena iau a maris mot.