2 Korin 5:1 - Nupela Testamen long tokples Kandas

¹ A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum.

2 Korin 5:1 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 14:58

“Met longoro i, i watungi lena, ‘An rege ru a rumu na etabor ri, ra a taro det pam tari, ma una tulu bung kut, an pam pas taio ra awu sur a taro det pami.’”

Aposel 7:48

Ikut o God a Labino Sakit ke kis una kum rumu ra a taro det pami, elar nami ra a poropet i watungi lena,

1 Korin 3:9

Uni mir aru tene pinapam tomo anun o God. Ma mot, mot elar nama kinobot anun o God, ma mot elar kai nama rumu anun o God ra i papam nanan uni.

2 Korin 4:7

A talapor ri, ra kuri un met, i a utna ra i wakak ma i labo doko. Ikut, met elar nama kum kuro oros kut ra di pami nama piso, sur in ese i lena, a labino dekdek ra kuri un met, tan o God ut, awu sur tagun met.

2 Korin 5:4

Ra dat laun utmakai nama pinindat ri, dat tangis nin ubalandat, ma dat taramo a mamaut. Uni ka dat nemi sur dat in mat, dat nemi sur dat in emar nama pinindat tagisapat una langit, sur a pinindat ra in mat kut, in keles sur a pinindat ra in laun tukum.

Kolosi 2:11

Una numot a nilaun un o Karisito, i tok talilis mot, ikut awu sur a ngas na tinotok talilis ra a taro det pami nama lamandet, awu. A tinotok talilis ra o Karisito i pami i lenri, i rakon ru a laulau na nemnem ina pinimot.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

Ibru 11:10

O Abaram i kis kut elar nama usiro una tamon ra, uni i kis langlang pas a tamon ra in tur tukum. A tamon ra o God ut i sa nuk tari sur in pami pepetlai, ma i sa pam tari.

Ibru 9:11

Ikut o Karisito i sa wanpat. I a mugumugu na tene etabor torom o God ra i warkurai sur a kum wakak na utna ra kuri det mo. I ruk una rumu na sel ra i wakak sakit taun a mugano rumu na sel. Awu sur a taro det pami, ra i talapor lena awu sur tagun a kum ukukis ri una rakrakon bual.

Ibru 9:24

Uni o Karisito ke ruk una nubual ra i Tabu Sakit, ra a taro det pami, awu. A nubual ra, a malalar kut tagun a nubual mulus ra i Tabu Sakit. I ruk usapat ut una langit ma uniri i ser tur umatan o God sur in warut dat.

1 Pita 1:4

ma dat in rakon pas a utna ra o God i sa ubek tari sapat una langit. A utna ra ken mereseng, ken laulau ma ken rorom. O God i sa ubek tari sur mot.

2 Pita 3:11

Ra a kum utna rop ri det in laulau lenri, osi na ngas na nilaun ra mot in muri? I wakak ra anumot a nilaun in tokodos, ma mot in pam a petutna ra i wakak umatan o God.

1 Jon 3:14

Dat tasmani lena, dat sa wan gusun a minat, sur a nilaun, uni dat nem a kum tistisin dat. Ma osi ra kalako marmaris, i kis utmakai una minat.

1 Jon 3:19

Ra dat in marmaris lenra, dat in tasmani lena, dat tagun a lingmulusino, ma dat in balano molmol umatan o God.

1 Jon 3:2

A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom.