2 Korin 4:14 - Nupela Testamen long tokples Kandas

¹⁴ Uni met tasmani lena o God, i ra i sa ukatutur melet pas a Labino o Iesu gusun a minat, lenkutkai ra in ukatutur melet pas met tomo nam o Iesu, ra in ben pas met tomo nam mot, sur dat in kis tomo nami umatan o God.

2 Korin 4:14 ပူးပေါင်းရင်းမြစ်များ

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

Aposel 2:24

Ikut, o God i ukatutur melet pasi, ma i los ru a minat gusuni, uni a minat ke pam ukai lar pasi.

Aposel 2:32

O Iesu ut ra, o God i ukatutur pasi gusun a minat, ma met rop met tama i, ra met wasiso talapor uni.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

1 Korin 6:14

Una dekdekin o God ut, i ukatutur melet pas a Labino gusun a minat, ma dat kai in ukatutur melet pas dat.

2 Korin 11:2

A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano.

Epeses 5:27

I pami lenri sur in ben pas anun a taro toromi, elar nam anun a wakak na ino ra katu dur uni, ma kalako karkar uni, ma katu sakino utna uni. In tokodos ma katu etakun in losi.

Kolosi 1:22

Ikut uniri, o God i sa dat pas mot toromi, sur mot pasano melet. I pam a pinapam ri, nama pinin o Karisito ra i mat, sur in ben pas mot umatan o God, ma mot anun a taro, ra katu niraro kura un mot, ma katu etakun in los mot.

Kolosi 1:28

Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

1 Tesalonaika 4:14

Dat nurnur lena o Iesu i mat, ma i laun melet. I mo ra dat nurnur lena, det ra det nurnur un o Iesu, ma det sa mat, o God in ukatutur det ma det in nan tomo nam o Iesu, ra in milet melet.

Jems 5:15

A niaring ra i wan tomo nama nurnur, in ulangolango o naro ra i misait, ma a Labino ut, in ulangolango melet pasi. Ma ra i sa pam tar a sakino petutna, a Labino in unus ru i gusuni.

A Pas anun o Jud 1:24

Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.