2 Korin 3:7 - Nupela Testamen long tokples Kandas

⁷ A kum Warkurai ra o God i pitar tar det torom o Moses, ra di tumus tar det una ru wat, det wanpat tomo nama minamar anun o God. Ra o Moses i losi torom a taro Israel, ka det pet lar pasi sur det in tama in masarino, uni in masarino i talapor doko nama minamar anun o God. Ikut numur, a talapor ina minamar ra, i rop nanan gusuni. A kum Warkurai ra det upuaso a minat, det wanpat nama minamar lenra.

2 Korin 3:7 ပူးပေါင်းရင်းမြစ်များ

Aposel 6:15

Det rop ra det kis una kiwung, det tama dekdek o Stiwen, ma det tama i lena, in masarino i elar namin masarin a ensel.

A Pas anun o Pol torom a taro Rom 10:4

Uni a kum Warkurai anun o Moses i tuk taru kut un o Karisito, sur det ra det nurnur un o Karisito det in tokodos umatan o God.

A Pas anun o Pol torom a taro Rom 4:15

Uni a kankan anun o God i kis un det ra det nem na mur a kum Warkurai, ikut ka det mur sot pasi. Ra kalako kum Warkurai, ka din takun taio lena i lakai warkurai.

A Pas anun o Pol torom a taro Rom 5:20

Ra o God i pitar tar a kum Warkurai, a sakino petutna anun a taro i lubung. Ikut ra a sakino petutna i lubung, a marmaris kai anun o God i labo tauni.

A Pas anun o Pol torom a taro Rom 7:10

A kum Warkurai ra o God i pitar tari sur in pitar a nilaun tang, i pitari kut a minat tang.

A Pas anun o Pol torom a taro Rom 7:22

Una nuknuking a nem doko a kum Warkurai anun o God.

A Pas anun o Pol torom a taro Rom 7:5

Numugu anundat a nilaun i kis utuntudu ina dekdekin a sakino nemnem ina pinindat, ra a kum Warkurai i ukatutur pat a kum sakino nemnem sur dat in pam a sakino petutna. Ra a sakino petutna una nundat a nilaun i pitar a minat kut.

1 Korin 13:10

Ikut numur, ra a kum utna ra i kudulano in nanpat, a kum utna ra ke kudulano in rop.

2 Korin 3:3

I talapor lena, mot a pas ra o Karisito i tumusi, kibino una numet a pinapam torom mot. Awu sur i tumusi namin nepen, i tumusi ut nama Nion o God ra i laun. Ke tumusi una du wat, i tumusi ut una balan a taro.

2 Korin 3:6

I ut i ukis tar met sur met a kum tene pinapam una matok na kunubus, ma i pitar tar a dekdek tamet sur met in papam nami. A matok na kunubus ri, awu sur tagun a kum wasiso na Warkurai ra di sa tumus tari, i kibino pas ut una Tokodos na Nion. A wasiso na Warkurai i pitar pati kut a minat, ikut a Tokodos na Nion i pitar a nilaun.

2 Korin 3:8

Ikut a matok na kunubus una Tokodos na Nion, a minamarino i labo sakit tauni.

Galesia 3:10

Det ra det nuki lena, det in mur a kum Warkurai sur o God in watung det a kum tene tokodos, a dekdek na kankan anun o God i sa kis un det. Uni di sa tumus tari una Buk Tabu lena, “A dekdek na kankan anun o God i kis un det rop ra ka det mur sot pas a kum warkurai rop ra di sa tumus tari una Buk na Warkurai.” Lo 27:26

Galesia 3:21

Pepetlai, a Warkurai ma a liliman anun o God der ebar etalai? Awu! Gunuk a Warkurai in pitar a nilaun tan a taro, det in tokodos umatan o God uni det mur a Warkurai.

Ibru 12:18

Ka mot wanpat una tangai Sainai elar nama taro Israel. A tangai ra, di pet lari sur din tulani. Tiro iai a sungun i kunkunabor, ma det tama a dumirum ma a mirum na bakut ma a labino wuwu.

Ibru 3:3

A urur ra di pitari torom a musano ra i pam a rumu, i labo taun a urur ra di pitari una rumu ra i pami. I lenkutkai ra, a urur ra di pitari torom o Iesu i labo sakit taun a urur ra di pitari torom o Moses.

Ibru 9:4

Kura una kukur rumu ra, a kabulu ra di pami nama gol, ra di ser tun a paura ra a misino i sangnain wakak, ra di watungi nama insens. Kura kai una kukur rumu ra, a boks na kunubus ra di sa upitapo tar a gol una kum papaporino rop. Ma kura ubalan a boks ra, a kap di pami nama gol, ra a mana i kis tiro ubalano, ma in nubuku anun o Aron ra i sa sibul pat, ma aru wat ra o God i tumus tar a kum Warkurai uni.