2 Korin 2:6 - Nupela Testamen long tokples Kandas

⁶ A susut tagun mot, mot sa pitar tar a warkurai na minabalu toromi. I sa sot,

2 Korin 2:6 ပူးပေါင်းရင်းမြစ်များ

2 Korin 13:10

Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.

2 Korin 7:11

Tama i, a tupunuk ri tan o God i pam pat a susut na wakak na utna un mot: A labino nemnem i kis unin balamot sur mot in langolango gusun a sakino. Ma mot nem doko i sur mot in ukodos pas mot sur gong tu etakun in los mot. Mot kankan torom o naro ra i pam a sakino, ma mot ngara. Mot nem doko i sur dat in emarom melet, mot dekdek pas mot, ma mot nemi sur mot in ukodos a utna ra i raro. A lingmulus, anumot a petutna i ese i lena, mot tokodos una utna ri.

1 Timoti 5:20

Ra tu mugumugu in pam a sakino petutna, un ukodosi umatan a taro na lotu rop, sur in utumarong lako taro kai tagun det.